| e-texts navigator |
| Wylie |
26a1 #། མེད་མིན་སྐྱེ་མཆེད་པའི་ལྷ་རྣམས་ཀྱི་ཚེའི་ཚད་ཀྱི་མཐའ་ནི་བསྐལ་པ་བརྒྱད་ཁྲི་སྟེ། བར་མདོར་འཆི་བ་ནི་ཡོད་དོ།། འདི་ནས་བྱང་ཕྱོགས་ན་རི་ནག་པོ་གསུམ་ཡོད་དོ།། རི་རིག་པོ
26a2 གསུམ་པོ་དག་གི་བྱང་ཕྱོགས་ན་རི་ནག་པོ་གཞན་གསུམ་ཡོད་དོ།། རི་ནག་པོ་གསུམ་པོ་དེ་དག་གི་བྱང་ཕྱོགས་ན་ཡང་རི་ནག་པོ་གཞན་གསུམ་ཡོད་དོ།། རི་ནག་པོ་གཞན་གསུམ་པོ་ཡོད་པ་དེ་དག་གི་བྱང་ཕྱོགས་ན་རིའི།
26a3 རྒྱལ་པོ་གངས་ཞེས་བྱ་བ་ཡོད་དོ།། རིའི་རྒྱལ་པོ་གངས་ཀྱི་བྱང་ཕྱོགས་ན་རིའི་རྒྱལ་པོ་སྤོས་ཀྱི་ངད་ལྡང་ཞེས་བྱ་བ་ཡོད་དོ།། རིའི་རྒྱལ་པོ་སྤོས་ཀྱི་ངད་ལྡང་ནས་དཔག་ཚད་བཅུའི་ཚུ་རོལ་ན་མཚོ་ཆེན་པོ་ཆུ་ཞེས་བྱ་བ
26a4 ཞིག་ཡོད་དེ། མ་དྲོས་པ་ཞེས་ཀྱང་བྱའོ།། མཚོ་ཆེན་པོ་ཆུ་ཞེས་བྱ་བ་དེ་ལ་ཆུར་དཔག་ཚད་ལྔ་བཅུ། ཞེང་དུ་དཔག་ཚད་ལྔ་བཅུ་ཡོད་དོ།། མཐའ་སྐོར་དུ་ནི་དཔག་ཚད་ཉིས་བརྒྱ་ཡོད་དེ། དབྱིབས་ལེགས་ཤིང
26a5 བལྟ་ན་སྡུག་ལ་མཛེས་པ་ཆུ་བསིལ་ཞིང་ཆུ་སྦྲང་རྩི་ལྷ་བུས་གང་ལ། མེ་ཏོག་ཨུཏྤལ་དང་། པདྨ་དང་། ཀུ་མུ་ཏ་དང་། པདྨ་དཀར་པོས་ཀུན་ཏུ་ཁེབས་པར་འདུག་གོ།། དེའི་ནང་ནས་ཀླུང་ཆེན་པོ་བཞི་འདི་ལྷ
26a6 སྟེ། གངྒཱ་དང་། སིན་དུ་དང་། སི་ཏ་དང་། པཀ་ཤུ་དང་། འདི་རྣམས་འབབ་སྟེ། གངྒཱ་ནི་ཤར་ཕྱོགས་ནས་གླང་པོ་ཆེའི་ཁ་ནས་འབབ་སྟེ། དེ་ནི་མཚོ་ཆེན་པོ་ཆུ་ཞེས་བྱ་བ་གཡས་ཕྱོགས་སུ་བསྐོར་ནས།
26a7 ཀླུང་ལྔ་བརྒྱ་དང་ལྷན་ཅིག་ཏུ་ཤར་ཕྱོགས་ཀྱི་རྒྱ་མཚོ་ཆེན་པོར་འགྲོའོ།། སིན་དུ་ནི་ལྷོ་ཕྱོགས་ནས་ཁྱུ་མཆོག་གི་ཁ་ནས་འབབ་སྟེ། དེ་ནི་མཚེ་ཆེན་པོ་ཆུ་ཞེས་བྱ་བ་གཡས་ཕྱོགས་སུ་བསྐོར་ནས། ཀླུང་ལྔ་བརྒྱ
iiif viewer powered by OpenSeadragon
