| e-texts navigator |
| Wylie |
21a1 སྡོམ་ལ་ཟླ་མཚན་འཁྲིག་དང་ཁུ་ཆུ་དང་།། ཚེ་བསྒྱུར་དང་ནི་ཆུ་ཀླུང་བྲག། སཱ་ལ་རྫིང་བུ་གླང་པོ་དང་།། སྲུངས་མ་འཁོར་ལོ་སྒྱུར་བའི་ལམ།། ཇི་ལྟར་འཛམ་བུའི
21a2 གླིང་གི་མི་རྣམས་ལ་བུད་མེད་ཟླ་མཚན་ཅན་དང་། སྦྲུམ་མ་དང་། བུ་བཅའ་བ་ཡོད་པ་བཞིན་དུ་ཤར་གྱི་ལུས་འཕགས་པོ་རྣམས་དང་ནུབ་ཀྱི་བ་ལང་སྤྱོད་པ་རྣམས་དང་། བྱང་གི་སྒྲ་མི་སྙན
21a3 པ་རྣམས་ལ་ཡང་ཡོད་དོ།། རྒྱལ་ཆེན་བཞིའི་ལྷ་རྣམས་ཀྱི་ནི་འཛམ་བུ་གླིང་གི་མི་རྣམས་ཀྱི་ཁྱེའུ་དང་། བུ་མོ་ལོ་ལྔ་ལོན་པ་ཇི་ཙམ་པ་དེ་བཞིན་དུ། ལྷ་འམ། ལྷའི་བུ་མོ་ཕྲག་པ་འམ་ཕང
21a4 པར་སེམས་ཅན་རྫུས་ཏེ་སྐྱེ་བ་འབྱུང་བར་འགྱུར་ཏེ། དེ་ན་ལྷ་འམ། ལྷའི་བུ་མོ་དག་འདི་སྙམ་དུ། འདི་ནི་བདག་གི་བུ་འམ། བུ་མོའོ་སྙམ་དུ་སེམས་སོ།། ཁྱེའུ་དང་བུ་མོ་དེ་དག་ཀྱང་འདི་སྙམ་དུ
21a5 འདི་ནི་བདག་ཅག་གི་མ་འམ། པའོ་སྙམ་དུ་སེམས་སོ།། སུམ་ཅུ་རྩ་གསུམ་པ་རྣམས་ཀྱི་ནི་ལོ་དྲུག་ལོན་པ་ཇི་ཙམ་པ་བཞིན་ནོ།། འཐབ་བྲལ་བ་རྣམས་ཀྱི་ནི་ལོ་བདུན་ལོན་པ་ཇི་ཙམ་པ་བཞིན་ནོ།།
21a6 དགའ་ལྡན་པ་རྣམས་ཀྱི་ནི་ལོ་བརྒྱད་ལོན་པ་ཇི་ཙམ་པ་བཞིན་ནོ།། འཕྲུལ་དགའ་བ་རྣམས་ཀྱི་ནི་ལོ་དགུ་ལོན་པ་ཇི་ཙམ་པ་བཞིན་ནོ།། གཞན་འཕྲུལ་དབང་བྱེད་པ་རྣམས་ཀྱི་ནི་འཛམ་བུ་གླིང་གི་མི་རྣམས་ཀྱི་ཁྱེའུ
21a7 དང་བུ་མོ་ལོ་བཅུ་ལོན་པ་ཇི་ཙམ་པ་དེ་བཞིན་དུ། ལྷའམ། ལྷའི་བུ་མོ་ཕྲག་པའམ། ཕང་པར་སེམས་ཅན་རྫུས་ཏེ་སྐྱེ་བ་འབྱུང་བར་འགྱུར་ཏེ། དེ་ན་ལྷ་འམ། ལྷའི་བུ་མོ་འདི་སྙམ་དུ་འདི་ནི
iiif viewer powered by OpenSeadragon
