| e-texts navigator |
| Wylie |
20b1 འཛམ་བུ་གླིང་གི་མི་རྣམས་ལ་པ་འམ། མ་འམ། བུ་བོའམ། བུ་མོ་འམ། རྗེ་བོ་འམ། བྲན་ནམ། ནོར་རམ། འཕྲུལ་མངོན་པར་ཞེན་པ་ཡོད་པ་བཞིན་དུ། ཤར་གྱི་ལུས་འཕགས་པ་རྣམས།
20b2 དང་ནུབ་ཀྱི་བ་ལང་སྤྱོད་པ་རྣམས་ལ་ཡང་ཡོད་དོ།། བྱང་གི་སྒྲ་མི་སྙན་གྱི་མི་རྣམས་ལ་ནི་ཅི་ཡང་ཞེན་པ་མེད་དོ།། རྒྱལ་ཆེན་བཞིའི་ལྷ་རྣམས་ལ་ནི། འབྲུ་མ་གཏོགས་པ་གཞན་རྣམས་ལ་མངོན་པར་ཞེན་པ
20b3 ཡོད་དོ།། རྒྱལ་ཆེན་བཞིའི་ལྷ་རྣམས་ལ་ཇི་ལྟ་བ་བཞིན་དུ། སུམ་ཅུ་རྩ་གསུམ་པ་རྣམས་དང་། འཐབ་བྲལ་བ་རྣམས་དང་། དགའ་ལྡན་པ་རྣམས་དང་། འཕྲུལ་དཀའ་བ་རྣམས་དང་། གཞན
20b4 འཕྲུལ་དབང་བྱེད་པ་རྣམས་ཀྱང་དེ་བཞིན་ནོ།། ཚངས་རིས་ཀྱི་ལྷ་རྣམས་ནི་ཅི་ལ་ཡང་མངོན་པར་ཞེན་པ་མེད་དོ།། ཚངས་རིས་པ་རྣམས་ཇི་ལྟ་བ་བཞིན་དུ། ཚངས་པའི་མདུན་ན་འདོན་པ་རྣམས་དང
20b5 ཚངས་པ་ཆེན་པོ་པ་རྣམས་དང་། འོད་ཆུང་བ་རྣམས་དང་། ཚད་མེད་འོད་པ་རྣམས་དང་། འོད་གསལ་བ་རྣམས་དང་། དགེ་ཆུང་བ་རྣམས་དང་། ཚད་མེད་དགེ་བ་རྣམས་དང་། དགེ་རྒྱས་པ་རྣམས།
20b6 དང་སྤྲིན་མེད་པ་རྣམས་དང་། བསོད་ནམས་སྐྱེས་པ་རྣམས་དང་། འབྲས་བུ་ཆེ་བ་རྣམས་དང་། མི་ཆེ་བ་རྣམས་དང་། མི་གདུང་བ་རྣམས་དང་། གྱ་ནོམ་སྣང་བ་པ་རྣམས་དང་། ཤིན
20b7 མཐོང་བ་པ་རྣམས་དང་འོག་མིན་གྱི་ལྷ་རྣམས་ཀྱང་དེ་བཞིན་ནོ།། འཇིག་རྟེན་བཞག་པ་ཚིགས་ལྔ་པའོ།། །། འཇིག་རྟེན་བཞག་པ་བམ་པོ་གཉིས་པ།།
iiif viewer powered by OpenSeadragon
