| e-texts navigator |
| Wylie |
200a1 ན་ནུབ་ཕྱོགས་སུ་ཉི་མ་བྱེད་དོ།། གླིང་བཞི་ཡང་དེ་ལྟར་རིག་པར་བྱ་སྟེ། ཟླ་བའི་རྒྱུད་ཀྱང་དེ་བཞིན་ནོ།། དགུན་རམ་རིང་ཞིང་ཉི་མ་ཐུང་། དཔྱིད་སྟོན་ཉིན་མཚན་མཉམ་པ་ནི། འཛམ
200a2 བུའི་གླིང་གི་ལྕེ་ཕྱོགས་སུ་ཉི་མ་སོང་བའི་ཚེ་ནི་ནམ་རིང་། བྱང་ཕྱོགས་སུ་སོང་བའི་ཚེ་ནི་ཉི་མ་རིང་ངོ་།། སྟོན་ཟླ་ར་བའི་ཚེས་ཉི་ཤུ་བཞི་ནས། དཔྱིད་ཟླ་ར་བའི་ཆོས་ཉི་ཤུ་གསུམ་གྱི་བར་དུ་ནི་ནམ་ནི་ཁད་ཀྱིས
200a3 རིང་། ཉི་མ་ནི་ཁད་ཀྱིས་ཐུང་ངོ་།། དཔྱིད་ཟླ་ར་བ་ཚེས་ཉི་ཤུ་བཞི་ནས་དབྱར་ཟླ་ཐ་ཆུང་ཚེས་ཉི་ཤུ་གསུམ་གྱི་བར་དུ། ཉི་མ་ནི་ཁད་ཀྱིས་སྐྱེ། ནམ་ཁད་ཀྱིས་འབྲིའོ།། ཟླ་བའི་སྐྱེ་འབྲི་ནི་གནམ་སྟོང་གི་ཚེ
200a4 ཉི་ཟླ་ལྷན་ཅིག་ཏུ་འགྲོགས་པས། ཉི་མའི་འོད་ཀྱིས་ནོན་ཏེ་ཟླ་བ་མི་སྣང་ངོ་།། ཚེས་གཉིས་གསུམ་ནས་ཟླ་བ་ཁད་ཀྱིས་ཐལ་ཏེ། ཉིན་ལོགས་ཀྱི་ཟླ་བ་ནི་སྣང་། གྲིབ་ལོགས་ཀྱི་ཟླ་བ་ནི་མི་སྣང་སྟེ། དེ་ལྟར།
200a5 ཉི་མ་དང་ཁད་ཀྱིས་རིང་ཞིང་ཟླ་བ་ཡང་ཆེར་སྣང་ནས། ཉ་ཚེ་ཉི་མ་ནུབ་པའི་འོག་ཏུ་ཟླ་བ་ཤར་བས་ན། ཉི་མའི་འོད་ཀྱིས་མི་ནོན་ཏེ་ཟླ་བ་རྒྱས་པར་སྣང་ངོ་།། དེ་ནས་ཡང་ཉི་མས་ནོན་དུ་བྱེད་ཅིང་།། ཟླ་བ
200a6 ཁད་ཀྱིས་འབྲིའོ།། སྐར་མ་པལ་ཡང་ལྷའི་ཁང་བུ་སྟེ། ཁོང་ཏའི་ལས་ཀྱི་གཞལ་མེད་ཁང་མཐོ་དམན་དུ་འཁོད་དེ། འཛམ་བུའི་གླིང་ནས་དཔག་ཚད་ལྔ་ཡན་ཆད་རི་རབ་ཀྱི་རྩེ་མོ་མན་ཆད་མཐོ
200a7 དམན་དུ་འཁོད་པས་དེ་བཞིན་ཆེ་བར་སྣང་ངོ་།། ནམ་མཁའ་ལ་སྤྲིན་འབྱུང་བ་ནི། ཀླུའི་རྒྱལ་པོ་རྣམས་ཀྱིས་མེ་དང་། དུད་པ་དང་། རླུང་དང་། ཆུ་རྣམས་ལུས་དང་། བསམས་པ་དང་། ཁ་ནས་འབྱུང
iiif viewer powered by OpenSeadragon
