| e-texts navigator |
| Wylie |
18a1 འཐབ་བྲལ་བ་རྣམས་དང་། དགའ་ལྡན་པ་རྣམས་དང་། འཕྲུལ་དགའ་བ་རྣམས་དང་། གཞན་འཕྲུལ་དབང་བྱེད་པ་རྣམས་ལ་ཡང་ཡོད་དོ།། ཚངས་རིས
18a2 ཀྱི་ལྷ་རྣམས་ལ་ནི་བག་མ་གཏོང་བ་ཡང་མེད་བག་མ་ལེན་པ་ཡང་མེད་དོ།། ཚངས་རིས་ཀྱི་ལྷ་རྣམས་ལ་ཇི་ལྟ་བ་བཞིན་དུ་ཚངས་པའི་མདུན་ན་འདོན་པ་རྣམས་དང་ཚངས་པ་ཆེན་པོ་པ་རྣམས
18a3 དང་འོད་ཆུང་བ་རྣམས་དང་། ཚད་མེད་འོད་པ་རྣམས་དང་། འོད་གསལ་བ་རྣམས་དང་། དགེ་ཆུང་བ་རྣམས་དང་། ཚད་མེད་དགེ་བ་རྣམས་དང་དགེ་རྒྱས་པ་རྣམས་དང
18a4 སྤྲིན་མེད་པ་རྣམས་དང་། བསོད་ནམས་སྐྱེས་པ་རྣམས་དང་། འབྲས་བུ་ཆེ་བ་རྣམས་དང་། མི་ཆེ་བ་རྣམས་དང་། མི་གདུང་བ་རྣམས་དང་། གྱ་ནོམ་སྣང་བ་པ་རྣམས་དང་ཤིན་ཏུ
18a5 མཐོང་བ་པ་རྣམས་དང་། འོག་མིན་གྱི་ལྷ་རྣམས་ལ་ཡང་དེ་བཞིན་ནོ།། འཇིག་རྟེན་བཞག་པ་ལས་ཚིགས་བཞི་པའོ།། ། སྡོམ་ལ། གྲང་དང་དུས་ཚིགས་མཚན་མོ་དང་།
18a6 མ་དང་ནི་རྗེ་ཁོལ་དང་།། ནོར་དང་འབྲུ་དང་མངོན་པར་ཞེན།། བཅུ་ཚན་ཡོངས་སུ་བརྗོད་པ་ཡིན།། ཇི་ལྟར་འཛམ་བུའི་གླིང་གི་མི་རྣམས་ལ་ཤིན་ཏུ་གྲང་བ་དང་། ཤིན་ཏུ་ཚ་བ་ཡོད་པ་བཞིན་དུ་ཤར
18a7 གྱི་ལུས་འཕགས་པོ་རྣམས་དང་། ནུབ་ཀྱི་བ་ལང་སྤྱོད་པ་རྣམས་ལ་ཡོད་དོ།། བྱང་གི་སྒྲ་མི་སྙན་པ་རྣམས་ལ་ནི་མེད་དོ།། རྒྱལ་ཆེན་བཞིའི་ལྷ་རྣམས་ལ་ཡང་མེད་དོ།། དེ་ཡན་ཆད་ལ་ཡང་མེད་དོ།།
iiif viewer powered by OpenSeadragon
