| e-texts navigator |
| Wylie |
136a1 པ་དག་ཀུན་འགྱེད་པར་མི་བྱེད་པ་གང་ཡིན་པ་དེ་དག་གོ།། གཞན་ཡང་གང་ཟག་གང་དག་ཅེས་པར་སྤྱོད་པའི་ལས་རྣམ་པ་སྣ་ཚོགས་བྱེད་པ་དེ་རྣམས་ཡིན་ཏེ། དེ་བས་ན་འཇུངས་པ་ཞེས
136a2 བྱའོ།། འཇུངས་པ་དེ་དག་ནི་སེམས་ཅན་དམྱལ་བ་ཆེན་པོ་བརྒྱད་པོ་དེ་དག་ཤིན་ཏུ་ཆ་ཞིང་རབ་ཏུ་ཚལ། ཡོངས་སུ་ཆེ་བར་འགྱུར་ཏེ། དེ་བས་ན། འཇུངས་པ་འདུལ་བ་དྲག་པོ་སྟེ། ཞེས་བྱའོ།། མེ་ལྕེར་ལྡན་ཞིང
136a3 བསྙེན་པར་དཀའ། ཞེས་བྱ་བ་ནི་སེམས་ཅན་དམྱལ་བ་ཆེན་པོ་བརྒྱད་པོ་འདི་དག་མེ་འབར་བའི་འཕྲེང་བས་བསྐོར་ཏེ། འཇུངས་པ་དེ་དག་གིས་མི་བཟོད་ཅིང་བརྣག་པར་དཀའ་སྟེ། དེ་བས་ན། མེ་ལྕེ་ལྡན་ཞིང
136a4 བསྙེན་པར་དཀའ།། ཞེས་བྱའོ།། དེ་དག་པ་སྤུ་སློང་བའི་གཟུགས།། འཇིགས་ཤིང་འཇིགས་བྱེད་སྡུག་བསྔལ་བ།། ཞེས་བྱ་བ་ནི་སེམས་ཅན་དམྱལ་བ་བརྒྱད་པོ་འདི་དག་འཇུངས་པ་དག་འཇིགས་པ་དང་།།
136a5 སྐྲག་པ་དང་། ཡི་ཆད་པར་བྱེད་ཅིང་བ་སྤུ་སློང་བར་བྱེད་ལ། སྡུག་བསྔལ་སྐྱེད་པར་བྱེད་དེ། དེ་བས་ན། དེ་དག་པ་སྤུ་སློང་བའི་གཟུགས།། འཇིགས་ཤིང་འཇིགས་བྱེད་སྡུག་བསྔལ་བ།། ཞེས་ཀྱང་བྱའོ།། །
136a6 དྲང་སྲོང་དག་དང་སྡོམ་ཅན་དང་།། དཀའ་ཐུབ་ཅན་ལ་ཁ་ཟེར་བ།། ཞེས་བྱ་བ་ལ། དྲང་སྲོང་ཞེས་བྱ་བ་ནི་སངས་རྒྱས་རྣམས་དང་། སངས་རྒྱས་ཀྱི་ཉན་ཐོས་རྣམས་ཏེ། དེ་རྣམས་དང་མི་མཐུན་པའི་ལུས་ཀྱི།
136a7 ལས་ཀུན་ཏུ་སྤྱོད་པ་དང་། མི་མཐུན་པའི་ངག་གི་ལས་དང་། ཡིད་ཀྱི་ལས་ཀུན་ཏུ་སྤྱོད་པ་སྟེ། དེ་བས་ན་དྲང་སྲོང་དག་ཅེས་བྱའོ།། སྡོམ་ཅན་ཞེས་བྱ་བ་ནི། ལུས་སྡོམ་པ་དང་། ངག་སྡོམ་པ་དང་། ཡིད་སྡོམ་པ།
iiif viewer powered by OpenSeadragon
