| e-texts navigator |
| Wylie |
134b1 རི་དགས་ཀྱི་རྔོན་པ་དང་། ཆོས་ཀུན་དང་། གཤེད་མ་དང་། བ་ལང་གསོད་པ་དང་། སྦྲུལ་ཚོགས་ཅན་དང་། བཙོན་སྲུངས་དང་། ཟམ་ཅན་དང་། གནོད་བྱེད་དང་། དེ་ལ་སོགས་པ་གཞན་ཡང་གང་ཟག་གང་།
134b2 ཡིན་པ་དེ་དག་ཅེས་བྱ་བའི་བར་དུ་རྒྱས་པར་བྱའོ།། འགྲོ་བའི་ཕྱི་མ་གང་ཡིན་པ།། ཞེས་བྱ་བ་ནི་མི་རིགས་པ་བྱེད་པ་དང་། མི་རིགས་པས་འཚོ་བ་གང་ཡིན་པ་དེ་དག་ཡང་དག་པར་བླངས་པ་དེ་ལྟ་བུ་དང
134b3 ཡང་དག་པར་སྤྱད་པས་དེ་ལྟ་བུའི་ལས་དེས་ན་སེམས་ཅན་དམྱལ་བ་ཆེན་པོ་བརྒྱད་པོ་དག་ཏུ་སྐྱེ་བར་འགྱུར་རོ།། དམྱལ་བ་བརྒྱད་པོ་འདི་དག་ནི། ཞེས་བྱ་བ་ནི་ཡང་སོས་ནས་བཟུང་སྟེ། མནར་མེད་པའི
134b4 བར་རམ། ཡང་ན་མནར་མེད་པ་ནས་བཟུང་སྟེ། ཡང་སོས་ཀྱི་བར་དག་གོ། དེ་བས་ན། དམྱལ་བ་བརྒྱད་པོ་འདི་དག་ནི།། ཞེས་བྱའོ།། བསྟན་ཅེས་བྱ་བ་ནི་སངས་རྒྱས་རྣམས་དང་། སངས་རྒྱས་ཀྱི
134b5 ཉན་ཐོས་རྣམས་དང་། དམ་པ་རྣམས་དང་། ཡང་དག་པར་ཞུགས་པ་རྣམས་དང་། སྐྱེས་བུ་དམ་པ་རྣམས་ཀྱིས་ཡང་དག་པར་བསྟན་པས། དེ་བས་ན་བསྟན་ཅེས་བྱའོ།། ཐར་པར་དཀའ་བ་ཞེས
134b6 བྱ་བ་ནི་སེམས་ཅན་དམྱལ་བ་ཆེན་པོ་བརྒྱད་པོ་འདི་དག་ནས་ཐར་པར་དཀའ་ཞིང་འདའ་བར་དཀའ་བ་ཡིན་ཏེ། དེ་བས་ན་ཐར་པར་དཀའ་བ་ཞེས་བྱའོ།། བརླང་བའི་ལུས་བྱས་རྣམས་ཀྱིས་ཀྱ
134b7 ཞེས་བྱ་བ་ནི་ཤེས་པ་ནས་གནོད་བྱེད་ཀྱི་བར་དག་གི་བརླང་བའི་ལས་བྱས་ཏེ། དེ་བས་ན་དམྱལ་བ་བརྒྱད་པོ་འདི་དག་ནི་ཐར་པར་བསྟན་པ་སྟེ། བརླང་བའི་ལས་བུས་རྣམས་ཀྱིས་གང་།། ཞེས་ཀྱང་བྱའོ།།
iiif viewer powered by OpenSeadragon
