| e-texts navigator |
| Wylie |
133b1 པ་མི་དགེ་བའི་ལས་རེ་གཏན་ནས་མ་བྱང་མ་ཟད་ཀྱི་བར་དུ་གྱུར་པ་དེ་དག་གནས་དེ་དག་ནས་ཤི་འཕོས་ཏེ། ཁ་ཅིག་ནི་དུད་འགྲོ་རྣམས་དང་སྐལ་བ་མཉམ་པར་སྐྱེ་བར་འགྱུར། ཁ་ཅིག་ནི་ཡི་དགས་རྣམས
133b2 ཀྱི་ནང་དུ། ཁ་ཅིག་ནི་མི་རྣམས་ཀྱི་ནང་དུ། ཁ་ཅིག་ནི་རྒྱལ་ཆེན་བཞིའི་ལྷ་རྣམས་ཀྱི་ནང་དུ། ཁ་ཅིག་ནི་སུམ་ཅུ་རྩ་གསུམ་པ་རྣམས་དང་། འཐབ་བྲལ་བ་རྣམས་དང་། དགའ་ལྡན་པ་རྣམས་དང་། འཕྲུལ
133b3 དགའ་བ་རྣམས་དང་། གཞན་འཕྲུལ་དབང་བྱེད་པའི་ལྷ་རྣམས་དང་སྐལ་བ་མཉམ་པར་སྐྱེ་བར་འགྱུར་རོ།། དེ་ལ་སེམས་ཅན་སྔོན་མིར་གྱུར་པའི་ཚེ། ཆོས་མ་ཡིན་པ་སྤྱོད་ཅིང་མི་རིགས་པ་བྱེད་དེ། གཅིག་ཏུ
133b4 གནས་པའི་ལས་བྱེད་བྱེད་པ་ལས་སེམས་ཅན་དམྱལ་བ་དག་ཏུ་སྐྱེས་པ་གང་ཡིན་པ་དེ་དག་ནི་སེམས་ཅན་དམྱལ་བ་ནས་ཤི་འཕོས་ནས་སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་མང་པོ་དག་གི་སྐ
133b5 བ་ཅན་དུ་འགྱུར་རོ།། དེ་ལ་སེམས་ཅན་སྔོན་མིར་གྱུར་པའི་ཆེ། ཆོས་སྤྱོད་ཅིང་རིགས་པ་བྱེད་ལ། གཅིག་ཏུ་དཀར་བའི་ལས་བྱེད་བྱེད་པ་ལས། ཉེས་པ་སྤྱོད་པ་འགའ་ཞིག་གིས་སེམས་ཅན་དམྱལ་བ་དག
133b6 སྐྱེས་པ་གང་ཡིན་པ་དེ་དག་ནི།། སེམས་ཅན་དམྱལ་བ་ནས་ཤི་འཕོས་ནས་བདེ་བ་དང་། ཡིད་བདེ་བ་མང་པོའི་སྐལ་བ་ཅན་དུ་འགྱུར་རོ།། བཅོམ་ལྡན་འདས་ཀྱིས་ཀྱང་ལྷའི་པོ་ཉ་ལྔ་ལུང་བསྟན་པའི་མདོ
133b7 ལས་འདི་སྐད་དུ། དགེ་སློང་དག་སེམས་ཅན་དམྱལ་བ་ཆེན་པོ་མནར་མེད་པའི་ཤར་ཕྱོགས་ཀྱི་སྒོ་འབྱེད་པ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དེ་ཞེས་བྱ་བ་ནས། གཞན་འཕྲུལ་དབང་བྱེད་ཀྱི་ལྷ
iiif viewer powered by OpenSeadragon
