| e-texts navigator |
| Wylie |
133a1 པར་བྱའོ།། དེ་དག་མཐུ་ཉམས་ཤིང་གཟི་བྱིན་ཉམས་ལ། བརྩོན་འགྲུས་ཉམས་ཏེ། རབ་མེད་ཀྱི་འགྲམ་ན་འཁོད་དོ།། རབ་མེད་དེའི་འགྲམ་ན་ཁྭ་ལུགས་ཀྱི་མཆུ་ཅན་ཞེས་བྱ་བ
133a2 དག་གནས་ཏེ། སེམས་ཅན་དེ་དག་གི་ཞེས་བྱ་བ་ནས། སྔ་མ་བཞིན་ནོ།། དེ་ལ་སོགས་པའི་གནོད་པ་མང་པོ་དག་བྱེད་དེ། དེར་ནམ་སེམས་ཅན་དེ་དག་གི་སེམས་ཅན་དམྱལ་བ་ཉམས་སུ་མྱོང་བར་འགྱུར་བའི་སྡིག
133a3 པ་མི་དགེ་བའི་ལས་དེ་གཏན་ནས་ཡོངས་སུ་མ་བྱང་མ་ཟད་ཀྱི་བར་དུ་དེ་དག་ཡང་ཆུ་ཀླུང་རབ་མེད་ལ་འབོག་གོ། ལྕགས་ཀྱི་ཤིང་ཤལ་མ་ལིའི་ཚལ་དེ་ལ་འཛེག་གོ། ལོ་མ་རལ་གྲི་ལྟ་བུའི་ཚལ་དུ་འཇུག་གོ།
133a4 ལམ་པོ་ཆེ་སྤུ་གྲིའི་སོ་བལྟམས་པ་ལྟ་བུར་འགྲོའོ།། རོ་མྱགས་པ་དང་། ཕྱི་སའི་འདམ་དུ་འབོག་གོ། མེ་མར་མུར་པུས་མོར་ཕྱིན་པ་ཙམ་དུ་འགྲོའོ།། དེ་ནས་ཡང་སེམས་ཅན་དམྱལ་བ་ཆེན་པོ་མནར་མེད་པའི
133a5 ཤར་ཕྱོགས་ཀྱི་སྒོར་འཇུག་གོ། ཇི་ལྟར་སེམས་ཅན་དམྱལ་བ་ཆེན་པོ་མནར་མེད་པའི་ཤར་ཕྱོགས་ཀྱི་སྒོའི་སྐབས་སུ་བཤད་པ་དེ་བཞིན་དུ། ལྷོ་དང་། ནུབ་དང་། བྱང་ཕྱོགས་སུའང་བརྗོད་པར་བྱའོ།། ཇི
133a6 ལྟར་སེམས་ཅན་དམྱལ་བ་ཆེན་པོ་མནར་མེད་པ་འཁོར་དང་བཅས་པར་བསྟན་པ་དེ་བཞིན་དུ། སེམས་ཅན་དམྱལ་བ་ཆེན་པོ་ཚ་བ་དང་། རབ་ཏུ་ཚ་བ་དང་། ངུ་འབོད་ཆེན་པོ་དང་། ངུ་འབོད་དང་། བསྡུས
133a7 གཞོམ་དང་། ཐིག་ནག་དང་། ཡང་སོས་རྣམས་ཀྱང་འཁོར་དང་བཅས་པར་བརྗོད་པར་བྱའོ།། དེ་དག་ཐུན་མ་སེམས་ཅན་དེ་དག་གིས་སེམས་ཅན་དམྱལ་བ་ཉམས་སུ་མྱོང་བར་གྱུར་པ་དེ་དག་གི་སྡིག
iiif viewer powered by OpenSeadragon
