| e-texts navigator |
| Wylie |
131a1 འདུག་ཅིང་མགོ་བོ་གནག་ལ་མཆུ་ཁ་བ་འདྲ་བ་དག་གནས་ཏེ། སེམས་ཅན་དེ་དག་གི་པགས་པ་འབིགས་སོ།། པགས་པ་ཕུག་ནས་ཤ་འབིགས་སོ།། ཤ་ཕུག་ནས་རྒྱུས
131a2 པ་འབིགས་སོ།། རྒྱུས་པ་དུ་ཀ་ནུས་རུས་པ་འབིགས་སོ།། རུས་པ་ཕུག་ནས་རྐང་འབྲུ་སྟེ། དེ་དག་དེ་ལྟ་བུའི་ཚུལ་གྱིས་ཞེས་བྱ་བ་ནས། རྒྱས་པར་བྱའོ།། རོ་མུགས་པ་དང་། ཕྱི་སའི་འདམ་གྱི་འདབ
131a3 དྲུང་ཉིད་ན་ལམ་པོ་ཆེའི་སྤུ་གྲིའི་སོ་བལྟམས་པ་ཞེས་བྱ་བ་ཡོད་དེ། དཔག་ཚད་མང་པོ་ཞེས་བྱ་བ་ནས། རྒྱས་པར་བྱའོ།། དེ་ནས་སེམས་ཅན་དེ་དག་གནས་ཚོལ་ཞིང་སྐྱབས་ཚོལ་ལ། འབྱུང་བའི་ཐབས
131a4 ཚོལ་ཏེ། རྒྱུག་ཅིང་རབ་ཏུ་རྒྱུག་ལ། ཀུན་ཏུ་རབ་ཏུ་རྒྱུག་གོ། དེ་དག་དེར་རྐང་པ་བཞག་ན་ནི་པགས་པ་དང་། ཤ་གཅོད་ཅིང་ཁྲག་འབྱིན་ཏོ།། རྐང་པ་བཏེག་ན་ནི་པགས་པ་དང་། ཤ་དང་། ཁྲག་ཀུན་ཕྱིར་ཡང
131a5 སྐྱེས་ཏེ། དེ་དག་དེ་ལྟ་བུའི་ཚུལ་གྱིས་ལོ་མང་པོ་ཞེས་བྱ་བ་ནས། རྒྱས་པར་བྱའོ།། ལམ་པོ་ཆེ་སྤུ་གྲིའོ་སོ་བལྟམས་པ་ཞེས་བྱ་བའི་འདབ་དྲུང་ཉིད་ན་ལོ་མ་རལ་གྲིའི་སོ་ལྟ་བུའི་ཚེལ། ཤིང་ཨ་མྲའི
131a6 ཚལ་སྔོན་པོ་ལྟར་སྣང་བ་ཡོད་དེ། དཔག་ཚད་མང་པོ་ཞེས་བྱ་བ་ནས། རྒྱས་པར་བྱ་སྟེ། སེམས་ཅན་དེ་དག་གནས་ཚོལ་ཞིང་སྐྱབས་ཚོལ་ལ། འབྱུང་བའི་ཐབས་ཚོལ་ཏེ་ནང་དུ་འཇུག་གོ།། དེ་དག་དེར
131a7 ཞུགས་ནས་དེ་དག་གི་སྔོན་གྱི་ལས་ཀྱི་རྣམ་པར་སྨིན་པ་ལས་བྱུང་བའི་རླུང་ཚ་བ་ལྡང་སྟེ། རལ་གྲི་དེ་དག་རྩ་བ་ནས་གློག་སྟེ། སེམས་ཅན་དེ་དག་གི་སྟེང་དུ་ལྷུང་ནས་ལག་པ་དག་ཀྱང་གཅོད་ཅིང་། རྐང་པ་དག
iiif viewer powered by OpenSeadragon
