| e-texts navigator |
| Wylie |
122a1 #། ཀུན་ཏུ་རབ་ཏུ་བརྡུང་བ་དེ་བཞིན་དུ། སེམས་ཅན་དམྱལ་བའི་སྲུངས་མ་དག་གིས་སེམས་ཅན་དེ་དག་ལྕགས་ཀྱི་སྦོམ་གྱི་ནང་དུ་བཅུག་ནས། ལྕགས་ཀྱི་གཏུན་བུ་དག་གིས།
122a2 ཞེས་བྱ་བ་ནས། མ་བྱང་མ་ཟད་ཀྱི་བར་དུ་སྔ་མ་བཞིན་ནོ།། གཞན་ཡང་སེམས་ཅན་དམྱལ་བ་ཆེན་པོ་བསྡུས་གཞོམ་དུ་སེམས་ཅན་གང་སྐྱེས་པ་ནས། འཐོན་པར་གྱུར་པའི་བར་དུ་སྔ་མ་བཞིན་དུ་རྒྱས
122a3 པར་བྱ་སྟེ། སེམས་ཅན་དམྱལ་བའི་སྲུངས་མ་དག་གིས་བཟུང་ནས། ལྕགས་ཀྱི་འཁྲུལ་འཁོར་དག་གི་ནང་དུ་བཅུག་སྟེ། འཆིར་ཞིང་རབ་ཏུ་འཆིར་ལ། ཀུན་ཏུ་རབ་ཏུ་འཆིར་ཏེ། དཔེར་ན་མི་རྣམས་ཀྱིས
122a4 བུ་རམ་ཤིང་དག་འཁྲུལ་འཁོར་གྱི་ནང་དུ་བདྲུག་སྟེ། འཚོར་ཞིང་རབ་ཏུ་འཆིར་ལ། ཀུན་ཏུ་རབ་ཏུ་འཆིར་བ་དེ་བཞིན་དུ། སེམས་ཅན་དམྱལ་བའི་སྲུངས་མ་དག་གིས་སེམས་ཅན་དེ་དག་བཟུང་ནས། ལྕས
122a5 ཀྱི་འཁྲུལ་འཁོར་གྱི་ནང་དུ་བཅུག་པ་ནས། ཀུན་ཏུ་རབ་ཏུ་འཚིར་བའི་བར་དུའོ།། དེ་དག་དེ་ལྟ་བུའི་ཚུལ་གྱིས་ལོ་མང་པོ་དང་། ལོ་བརྒྱ་ཕྲག་མང་པོ་དང་། ལོ་སྟོང་ཕྲག་མང་པོ་དང་། ལོ་བརྒྱ་སྟོང་ཕྲག་མང
122a6 པོར་སྡུག་བསྔལ་ཞིང་མི་བཟད་ལ་རྩུབ་ཅིང་ཚ་བ་དང་། ཡིད་དུ་མི་འོང་བའི་ཚོར་བ་དག་མྱོང་བར་འགྱུར་ཏེ། དེ་དག་ནམ་སེམས་ཅན་དམྱལ་བ་ཉམས་སུ་མྱོང་བར་འགྱུར་བའི་སྡིག་པ་མི་དགེ་བའི་ལས་དེ
122a7 གཏན་མ་བྱང་མ་ཟད་ཀྱི་བར་དུ་རེ་ཞིག་དུས་བྱེད་པར་མི་འགྱུར་རོ།། གཞན་ཡང་སེམས་ཅན་དམྱལ་བ་ཆེན་པོ་བསྡུས་གཞོམ་དུ་སེམས་ཅན་གང་སྐྱེས་པ་དང་། ཀུན་ཏུ་སྐྱེས་པ་དང་། བྱུང་བ་དང་། ཀུན
iiif viewer powered by OpenSeadragon
