| e-texts navigator |
| Wylie |
119b1 སྲུངས་མ་དག་གིས། སེམས་ཅན་དེ་དག་ལྕགས་ཀྱི་ས་གཞི་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར་པ་ལ། མགོ་ཐུར་དུ་བསྟན་ཏེ་བཞག་ནས། སོག་ལེ།
119b2 ཁ་གཉིས་སམ། ཁ་གསུམ་སམ?། ཁ་མང་དུ་གཤག་པར་བྱེད། དཔེར་ན་ཤིང་མཁན་གྱིས་ཤིང་ས་ལ་མགོ་ཟུར་དུ་བསྟན་ཏེ་བཞག་ནས། ཁ་གཉིས་སམ། ཁ་གསུམ་མམ། ཁ་མང་དུ
119b3 གཤག་པར་བྱེད་པ་དེ་བཞིན་དུ། སེམས་ཅན་དམྱལ་བ་དག་གི་སྲུང་མ་དེ་དག་གིས། སེམས་ཅན་དེ་དག་ལྕགས་ཀྱི་ས་གཞི་འབར་བ་ལ་མགོ་ཐུར་དུ་བསྟན་ཏེ་བཞག་ནས། ཁ་གཉིས་སམ
119b4 ཁ་གསུམ་མམ། ཁ་མང་དུ་གཤེགས་པའི་བར་དུ་སྔ་མ་བཞིན་དུ་རྒྱས་པར་བྱའོ།། གཞན་ཡང་སེམས་ཅན་དམྱལ་བ་ཐིག་ནག་ཏུ་སེམས་ཅན་གང་དག་སྐྱེས་པ་དང་། ཀུན་ཏུ་སྐྱེས་པ་ནས། འཛིན
119b5 པར་འགྱུར་བའི་བར་དག་གི་སྡིག་པ་མི་དགེ་བའི་ལས་དེའི་རྣམ་པར་སྨིན་པས། སེམས་ཅན་དམྱལ་བའི་གཤེད་མ་དག་གིས། སེམས་ཅན་དེ་དག་ལྕགས་ཀྱི་རྒྱུད་འབར་ཞིང་རབ་ཏུ་འབར་ལ།
119b6 ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར་པས་མགོ་བོ་དཀྲི་བར་བྱེད་དོ།། མགོ་བོ་དཀྲིས་ནས་མགུལ་པ་དཀྲི་བར་བྱེད་དོ།། མགུལ་པ་དཀྲིས་ནས་ཕྲག་པ་གཉིས་དཀྲི་བར་བྱེད་དོ།།
119b7 ཕྲག་པ་གཉིས་དཀྲིས་ནས་ལག་པ་གཉིས་དཀྲི་བར་བྱེད་དོ།། ལག་པ་གཉིས་དཀྲིས་ནས་མཆན་ཁུང་གཉིས་དཀྲི་བར་བྱེད་དོ།། མཆན་ཁུང་གཉིས་དཀྲིས་ནས་སྟ་ཟུར་གཉིས་དཀྲི་བར་བྱེད་དོ།།
iiif viewer powered by OpenSeadragon
