| e-texts navigator |
| Wylie |
118b1 ཆེན་པོ་ཡང་སོས་ཞེས་བྱ་བ་སྟེ། དེ་ན་སྡུག་བསྔལ་ཞིང་བཟད་ལ་གྲུབ་ཅིང་ཆེ་བ་དང་། ཡིད་དུ་མི་འོང་ཞིང་སྲོག་གཅོད་པར་བྱེད་པ་ལས་ཀྱི་གནོད་པ་གཞན་དང་། གཞན་མང་པོ་དག་ཀྱང་ཡོད་དེ། འདི་སྐད་དུ།།
118b2 ཕན་ཚུན་འཁོན་ཞིང་ཞེ་ནོན་ལ།། མི་རྣམས་མི་ལ་གསོད་པ་དག། ལོ་ནི་བྱེ་བ་ཕྲག་སྟོང་དུ།། གསད་ཅིང་གསད་ཅིང་ཕྱིར་ཡང་འཚོ།། ཞེས་ཀྱང་བྱའོ།། གང་དག་ཕ་མ་སངས་རྒྱས་དང་།། ཉན་ཐོས་རྣམས
118b3 ལ་སྡང་བ་ནི།། དམྱལ་བ་ཆེན་པོ་ཐིག་ནག་ཏུ།། སྡུག་བསྔལ་ཚེར་བ་མྱོང་བར་འགྱུར།། སེམས་ཅན་དམྱལ་བ་ཆེན་པོ་ཐོག་རག་ཅེས་བྱ་བ་ལ། ཅིའི་ཕྱིར་སེམས་ཅན་དམྱལ་བ་ཆེན་པོ་ཐིག་ནག་ཅེས
118b4 ཞེ་ན། སྨྲས་པ། སེམས་ཅན་དམྱལ་བ་ཆེན་པོ་ཐིག་ནག་ཏུ་སེམས་ཅན་གང་སྐྱེས་པ་དང་། ཀུན་ཏུ་སྐྱེས་པ་དང་། བྱུང་བ་དང་། ཀུན་ཏུ་བྱུང་བ་ནས། འཐོན་པར་འགྱུར་བའི་བར་དག་གི་སྡིག་པ་མི་དགེ་བའི
118b5 ལས་དེའི་རྣམ་པར་སྨིན་པས། སེམས་ཅན་དམྱལ་བའི་སྲུངས་མ་དག་གིས། སེམས་ཅན་དེ་དག་ལྕགས་ཀྱིས་གཞི་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ཏེ། འབར་བ་གཅིག་ཏུ་གྱུར
118b6 པ་ལ། ཀན་ཀྱལ་དུ་བཞག་ནས། ལྕགས་ཀྱི་ཐིག་གིས་བཏབ་སྟེ། ལྕགས་ཀྱི་སྟེའུ་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་མཆེད་ཅིང་འབར་ཏེ། འབར་བ་གཅིག་ཏུ་གྱུར་པ་དག་གིས་འཇོག་ཅིང་རབ
118b7 ཏུཏུའཇོག་ལ། ཀུན་ཏུ་རབ་ཏུ་འཇོག་སྟེ། དཔེར་ན་ཤིང་མཁན་གྱིས་ཤིང་ས་ལ་བཞག་ནས་ཐིག་གིས་བཏབ་སྟེ། སྟེའུས་འཇོག་ཅིང་རབ་ཏུ་འཇོག་ལ། ཀུན་ཏུ་རབ་ཏུ་འཇོག་པ་དེ་བཞིན་དུ། སེམས
iiif viewer powered by OpenSeadragon
