| e-texts navigator |
| Wylie |
118a1 #། ལག་ཏུ་འོང་བར་འགྱུར་རོ།། སེམས་ཅན་དེ་དག་ཀྱང་སེམས་ཅན་གཅིག་གིས་གཅིག་མཐོང་ན། ཤས་ཆེར་སྡང་བའི་སེམས་དང་། གསད་པའི་སེམས་ཉེ་བར་གནས
118a2 པར་འགྱུར་ཏེ། དཔེར་ན་རྔོན་པ་བཞིན་ཏེ། སྔ་མ་བཞིན་ནོ།། དེ་དག་ཐོ་བ་དེ་དག་གིས་གཅིག་ལ་གཅིག་འཇོམས་ཤིང་རབ་ཏུ་འཇོམས་ལ། ཀུན་ཏུ་འཇོམས་ཏེ། བཅོམ་ཞིང་རབ་ཏུ་བཅོམ་ལ
118a3 ཀུན་ཏུ་རབ་ཏུ་བཅོམ་ནས། གང་གི་ཚེ་གཅིག་གིས་གཅིག་བསད་དེ། ཤི་བར་གྱུར་པ་དེའི་ཚེ་ཕྱོགས་གཅིག་ཏུ་འདུའོ།། དུས་གཞན་ཞིག་ན་སེམས་ཅན་དམྱལ་བ་ཆེན་པོ་ཡང་སོས་སུ་རླུང་བསིལ་བ
118a4 ལྡང་བ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དེ། འདི་སྐད་དུ་སེམས་ཅན་ཁྱེད་རྣམས་ཡང་སོས་པར་གྱུར་ཅིག། སེམས་ཅན་ཁྱེར་རྣམས་ཡང་སོས་པར་གྱུར་ཅིག་ཅེས་སྒྲ་ཡང་གྲགས་པར་གྱུར་ཏེ།།
118a5 དེ་ནས་ཡང་སེམས་ཅན་དེ་དག་ཡང་འཚེ་བར་འགྱུར་རོ།། དེ་ནས་ཡང་སེམས་ཅན་དེ་དག་གི་སྡིག་པ་མི་དགེ་བའི་ལས་དེའི་རྣམ་པར་སྨིན་པས། ལྕགས་ཀྱི་ཐོ་བ་དག་ལག་ཏུ་འོང་བར་འགྱུར་རོ།། སེམས
118a6 ཅན་དེ་དག་ཀྱང་གཅིག་གིས་གཅིག་མཐོང་ནས། ཤི་བར་གྱུར་ནས་ཕྱོགས་གཅིག་ཏུ་འདུ་བའི་བར་དུ་སྔ་མ་བཞིན་ནོ།། འཁོར་ལོ་དང་། རྡོ་རྗེ་རྩེ་གཅིག་པ་དང་། མཚོན་རྩེ་གཅིག་པ་དང་། འཕང་མདུང
118a7 དང་གཞུ་ལ་སོགས་པའི་མཚོན་རྣམས་ཀྱང་དེ་བཞིན་དུ་བརྗོད་པར་བྱ་སྟེ། མི་བཟད་པ་དེ་དག་དང་། མེ་ཏོག་དེ་དག་དང་། འབྲས་བུ་དེ་དག་དང་། རྣམ་པར་སྤྲོས་པ་དེ་དག་གིས་ན། སེམས་ཅན་དམྱལ་བ།
iiif viewer powered by OpenSeadragon
