| e-texts navigator |
| Wylie |
101b1 སྲུངས་འཇིག་རྟེན་དུ་བྱུང་སྟེ། དེར་བྱང་ཆུབ་སེམས་དཔས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུངས་ལས། མ་འོངས་པའི་དུས་སུ་བྱང་ཆུབ་པའི་ཕྱིར་སྨོན་ལས
101b2 བཏབ་ཅིང་། ཚངས་པར་སྤྱོད་པ་སྤྱད་ནས་དཀའ་ལྡན་གྱི་ལྷའི་རིས་སུ་སྐྱེས་ཏེ། དེ་དེན་ཚེའི་ཚད་ཇི་སྲིད་པ་དེ་སྲིད་དུ་གནས་སོ།། རྒྱལ་པོ་ཀྲི་ཀྲོའི་བུ་ནི་ལེགས་པར་སྐྱེས་ཞེས་བྱ་བར་གྱུར་ཏོ།། རྒྱལ་པོ
101b3 ལེགས་སྐྱེས་ཀྱི་བུ་མ་རྒྱུད་དང་། ཚ་བོ་དང་། ཡང་ཆའི་རྒྱུད་ཀྱི་རྒྱལ་པོ་བཅས་ཡང་གྲོང་ཁྱེར་གྲུ་འཛིན་དུ་རྒྱལ་སྲིད་ཀྱི་དབང་ཕྱུག་ལ་དབང་བྱས་སོ།། དེ་དག་གི་འོག་ཏུ་རྒྱལ་པོ་རྣ་བ་ཞེས་བྱ་བ་བྱུང་སྟེ
101b4 རྒྱལ་པོ་རྣ་བའི་བུ་གོའུ་ཏ་མ་དང་། བ་ར་དྭ་ཛ་གཉིས་སོ།། དེ་གཉིས་ལ་གོའུ་ཏ་མའི་བུ་ནི་བུ་རམ་ཤིང་པ་ཞེས་བྱའོ།། རྒྱལ་པོ་བུ་རམ་ཤིང་པའི་བུ་ཚ་རྒྱུད་དང་། ཚ་བོ་དང་། ཡང་ཆའི་རྒྱུད་བུ་རམ་ཤིང
101b5 པའི་རྒྱལ་པོ་བརྒྱས་ཡང་གྲོང་ཁྱེར་གྲུ་འཛིར་དུ་རྒྱལ་སྲིད་ཀྱི་དབང་ཕྱུག་ལ་དབང་བྱས་སོ།། དེ་དག་གི་འོག་ཏུ་རྒྱལ་པོ་འཕགས་སྐྱེས་པོ་བྱུང་སྟེ། རྒྱལ་པོ་འཕགས་སྐྱེས་པོའི་བུ་བཞི་ལ་འདི་ལྟ་སྟེ
101b6 བཞིན་འབར་དང་། ལག་རྣ་དང་། གླང་ཆེན་འདུལ་དང་། རྐང་གདུབ་ཅན་རྣམས་ཏེ། རྐང་གདུབ་ཅན་གྱི་བུ་ནི་གནས་འཇོག་གོ།། གནས་འཇོག་གི་བུ་ནི་བན་ལང་གནས་སོ།། བན་ལང་གནས་ཀྱི
101b7 བུ་ནི་སེང་གེ་འགྲམ་དང་། སེང་གེ་སྒྲ་གཉིས་སོ།། སེང་གེ་འགྲམ་གྱི་བུ་བཞི་ལ་འདི་ལྟ་སྟེ། ཟས་གཙང་དང་། ཟས་དཀ་དང་། བྲེ་བོ་ཟས་དང་། བདུད་རྩི་ཟས་སོ།། བུ་མོ་ནི་ག་ཙང་མ་དང་། དཀར
iiif viewer powered by OpenSeadragon
