| e-texts navigator |
| Wylie |
211a1 རྡུལ་མགོ་བོའི་སྟེང་དུ་ལྷུང་བར་བྱེད་པས་འགྲོ་རུ་མི་སྟེར་རོ་སྙམ་སྟེ། ལངས་ནས་རི་རབ་ཀྱི་རྩ་བར་སོང་ངོ་།། རང་གི་གཟུགས་བོར་ཧེ་རི་བོ་མཆོག་རབ་སྟེང་འོག་ཐམས་ཅད
211a2 རང་གི་ལུས་ཀྱི་ས་ལན་བདུན་དུ་དཀྲིས་ནས་སྟེང་དུ་གདེངས་ཀ་བྱས་ཏེ། སུམ་ཅུ་རྩ་གསུམ་པ་རྣམས་ཀྱིས་མི་མཐོང་བར་བྱ་བའི་ཕྱིར་རོ།། དེ་ནས་ཚེ་དང་ལྡན་པ་ཡུལ་འཁོར་སྐྱོང་གིས་བཅོམ་ལྡན
211a3 འདས་ལ་འདི་སྐད་ཅེས་གསོལ་ཏོ།། བཙུན་པ་སྔར་བཞིན་གནས་འདིའི་ཕྱོགས་སུ་འདུག་ནས་རིའི་མཆོག་རབ་མཐོང་ངོ་།། རི་བོ་མཆོག་རབ་འཁོར་དང་བཅས་པ་མཐོང་ངོ་།། སུམ་ཅུ་རྩ
211a4 གསུམ་མཐོང་ངོ་།། རྣམས་པར་རྒྱལ་བའི་ཁང་བཟང་མཐོང་ངོ་།། རྣམ་པར་རྒྱལ་བའི་ཁང་བཟང་གི་སྟེང་གི་རྒྱལ་མཚན་མཐོང་ངོ་།། བཙུན་པ་ཅིའི་རྒྱུ་ཅིའི་རྐྱེན་ལགས། ད་ནི་རི་བོ་མཆོག
211a5 རབ་མི་མཐོང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཡུལ་འཁོར་སྐྱོང་འདི་ནི་ཀླུའི་རྒྱལ་པོ་དགའ་བོ་ཉེ་དགའ་ཞེས་པ་ཁྱེད་རྣམས་ལ་ཁྲོས་པར་གྱུར་ཏེ། རི་བོ་མཆོག་དབྲལ་ན་བདུན་དུ
211a6 ལུས་ཀྱིས་དཀྲིས་ནས་སྟེང་དུ་གདེངས་ཀས་བསྒྲིབས་སོ།། མུན་པ་མུན་ནག་ཏུ་བྱས་ནས་གནས་སོ།། གསོལ་པ། བཙུན་པ་བདག་གིས་འདུལ་བར་བགྱི་འམ། བཅོམ་ལྡན་འདས་ཀྱིས་གནང་བ་མ
211a7 བྱིན་ནོ།། དེ་ནས་ཚེ་དང་ལྡན་པ་བཟང་ལྡན་དང་། ཚེ་དང་ལྡན་པ་སྒྲ་གཅན་འཛིན་ཏེ། གོ་རིམས་བཞིན་དུ་དགེ་སློང་ཐམས་ཅད་ཀྱིས་ཞུས་སོ།། བཅོམ་ལྡན་འདས་ཀྱིས་རྗེས་སུ་གནང་བ་མ་བྱིན་ནོ།།
iiif viewer powered by OpenSeadragon
