| e-texts navigator |
| Wylie |
198b1 རབ་ཏུ་འཇོམས་པར་འགྱུར་བའི་མི་རྟག་པ་ཉིད་ཀྱི་སྟོབས་ཞེས་བྱའོ།། གནས་འཇོག་གི་རྒྱུད་དག་འདི་ནི་གང་སྟོབས་དེ་དག་ལས་ཆེས་སྟོབས་དང་ལྡན་ཞིང་། གང་སྟོབས་དེ་དག་ཟིལ་གྱིས་གནོན་པར་བྱེད་པའི་སྟོབས
198b2 གཞན་དེ་ཡིན་ནོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་དག་བཀའ་སྩལ་པ། ལུས་ལས་བྱུང་བའི་སྟོབས་དང་བསོད་ནམས་སྟོབས། ཡེ་ཤེས་སྟོབས་དང་རྫུ་འཕྲུལ་སྟོབས་པས་ཀྱང
198b3 ངའི་གཟི་བརྗིད་འཇོམས་པ་མི་རྟག་ཉིད། མཆོག་ཏུ་སྟོབས་དང་ལྡན་པར་བཞེད་པ་ཡིན། གང་དུ་དེ་དང་འདྲ་བའི་སྐུ་ལུས་ནི།། གསེར་གྱི་རི་ཡི་དབང་པོའི་རྩེ་མོ་འདྲ།། མི་རྟག་ཉིད་ཀྱི་གཟི་བརྗིད་ཀྱིས
198b4 བབཅོམ་ནས།། ང་ཡི་འཇིག་པ་འོང་བར་འགྱུར་བ་ཡིན།། མེ་རྟག་ཉིད་ཀྱི་སྟོབས་ནི་སྟོབས་མཆོག་པར།། མཁས་པ་ཡིས་ནི་རྣམ་པར་ཤེས་བྱས་ཏེ།། གང་དུ་མིརྟག་ཉིད་ནི་མི་འོང་བའི།། མི་འཆི་བ་ཡི
198b5 གནས་དེ་ཐོབ་པར་བྱའོ།། བཅོམ་ལྡན་འདས་ལས་ཀུ་ཤིའི་གྲོང་ཁྱེར་ནས་སྐྱེས་པའི་གྱད་རྣམས་ཀྱིས་དེ་སྐད་ཐོས་ནས་རྨོངས་པར་གྱུར་ཏེ། ཇི་ལྟར་ཡང་འདུ་ཤེས་ཐོབ་པ་དག་ཏུ་གྱུར་ནས། ས་ལ་འགྲེ
198b6 ལྡོག་སྟེ། འདི་ལྟ་སྟེ། ཤིང་གི་སྡོང་བུ་བཞིན་ནོ།། ཁ་ཅིག་ནི་དཔུང་པ་དག་བསྣོལ་ཏེ་རབ་ཏུ་ངུ་བར་བྱེད་དོ།། ཁ་ཅིག་ནི་སེམས་ཀྱི་སྡུག་བསྔལ་དང་ཀུན་ཏུ་ལྡན་ཞིང་འཁོད་དོ།། ཁ་ཅིག་ནི་ཆོས
198b7 ཉིད་ཁོ་ན་ལ་རྟོན་པར་བྱེད་དེ། བཅོམ་ལྡན་འདས་ཀྱིས་བདག་ཅག་ལ་དང་པོ་ཉིད་དུ་འདོད་པ་དང་། སྡུག་པ་དང་། དགའ་བ་དང་། ཡིད་དུ་འོང་བ་ཐམས་ཅད་ལས་དངོས་པོ་ཐ་དད་པ་དང་། མེད
iiif viewer powered by OpenSeadragon
