| e-texts navigator |
| Wylie |
156a1 སྲང་ངན་དུ་འཇུག་པ། ཕྱིན་ཆད་བྱེད་པར་དམ་འཆའ་བ། དེ་ལྟ་བུའི་ལས་ལ་དགའ་བ། དེ་ལྟ་བུ་ལ་སྨོན་པ། དེ་ལྟ་བུའི་ལས་འདུས་པའི་གང་ཟག་སེམས་ཅན་དམྱལ
156a2 བར་སྐྱེས་ཏེ། སེམས་ཅན་དམྱལ་བའི་ཚེ་ཀུན་རྫོགས་ནས་སླར་སྐྱེའོ།། ཇི་ལྟར་གང་ཟག་ལས་འདི་ལྟ་བུ་འདུས་པས་སེམས་ཅན་དམྱལ་བར་སྐྱེས་ཏེ། སེམས་ཅན་དམྱལ་བའི་ཚེ་ཕྱེད་ཟད་ནས་སླབ་སྐྱེ
156a3 བའི་ལས་གང་ཡིན་ཞེ་ན། གང་ཟག་སུའང་རུང་། སེམས་ཅན་དམྱལ་བའི་ལས་བྱས་པ་ནས་འགྱོད་པ། ཁྲེལ་གྱིས་དོགས་པ། ཉེས་པར་སེམས་པ། མི་རིགས་པར་སེམས་པ་ཀ་འཆགས་པ
156a4 ཡལ་བར་མི་གཏོང་བ། སླར་ངན་དུ་མི་འཇུག་པ། ཕྱིན་ཆད་མི་བྱེད་པར་དམ་འཆའ་བ་འདི་ལྟ་བུའི་ལས་འདུས་པའི་གང་ཟག་ནི་སེམས་ཅན་དམྱལ་བར་སྐྱེ་སྟེ། སེམས་ཅན་དམྱལ་བའི་ཚེ་ཕྱེད་ཟད
156a5 ནས་སླར་སྐྱེའོ།། ཇི་ལྟར་གང་ཟག་ལས་འདི་ལྟ་བུ་འདུས་པས། སེམས་ཅན་དམྱལ་བར་སྐྱེས་མ་ཐག་ཏུ་སླ་བ་སྐྱེ་བའི་ལས་གང་ཡིན་ཞེ་ན། གང་ཟག་སུ་འང་རུང་སྟེ། སེམས་ཅན་དམྱལ་བའི་ལས
156a6 བསམས་ཏེ་བྱས་ནས། ལས་དེ་བྱས་པ་དང་། འགྱོད་པ། ཁྲེལ་གྱིས་དོགས་པ། ཉེས་པར་སེམས་པ། མི་རིགས་པར་སེམས་པ། འཆགས་པ། ཡལ་བར་མི་གཏོང་བ། སླར་ངན་དུ་མི
156a7 འཇུག་པ། ཕྱིན་ཆད་མི་བྱེད་པར་དམ་འཆའ་བ། དེ་ལྟ་བུའི་ལས་ལ་ཕྱིས་མི་དགའ་ཞིང་མི་སྨོན་པ། སྤོང་ཞིང་གཏོང་བ། ཕྱིས་ཤིན་ཏུ་མི་དགའ་བའི་ཡིད་བསྐྱོད་པ། འདི་ལྟ་བུའི་ལས
iiif viewer powered by OpenSeadragon
