| e-texts navigator |
| Wylie |
144a1 བདག་མེད་པ་དང་། སྡེ་བདག་མེད་པ་དང་རོ་བདག་མེད་པ་དང་། ལུས་བདག་མེད་པ་དང་།། རེག་བྱ་བདག་མེད་པ་དང་། ཡིད་བདག་མེད་པ་དང་། ཆོས་བདག་མེད་བསྟེ།
144a2 འདི་རྣམས་ནི་ནང་གི་དྲུག་དང་ཕྱིའི་སྐྱེ་མཆེད་དྲུག་བདག་མེད་པའོ།། བདག་མེད་པ་ལ་བལྟ་ཞིང་བསམ་པར་བྱའོ།། ཀུན་དགའ་བོ་བདག་མེད་པ་འདི་རྣམ་སྟོན་ཅིག། ཀུན་དགའ་བོ་མི་གཙང་བའི
144a3 འདུ་ཤེས་ནི་དགེ་སློང་ཀུན་དགའ་བོ་འདི་ནི་ལུས་འདི་ཉིད་ལ་སྤྱི་གཙུག་ནས། འོག་གི་རྐང་མཐིལ་གྱི་བར་གྱི་ལྤགས་པའི་ཕྱེ་ཤུན་གྱི་བར་གང་བར་རྣམ་པ་སྣ་ཚོགས་པའི་མི་གཙང་བ་སོ་སོར་བརྟག་པར
144a4 བྱའོ། ལུས་འདི་ལ་སྐྲ་དང་། བ་སྥུ་དང་། སེན་མོ་དང་། སོ་དང་། ལྤགས་པའི་ཕྱི་ཤུན་དང་། ཤ་དང་། ཆུ་བ་དང་། ནུས་པ་དང་། རྐང་མར་དང་། མཁལ་མ་དང་། སྤྲིང་དང་།
144a5 མཆེད་པ་དང་། གྲོ་བ་དང་། སུལ་མང་དང་། ཕོ་བ་དང་། རྒྱུ་མ་དང་། རྒྱུ་མའི་གཉེ་མ་དང་། ལྒང་བ་དང་། རྟུག་པ་དང་། མ་བྲིས་པ་དང་། བད་ཀན་དང་། ཚོགས་དང་། ཁྲག
144a6 དང་རྡུལ་དང་། ཚིལ་དང་། མཆི་མ་དང་། ཞག་དང་། མཆིལ་མ་དང་། སྣབས་དང་། ཆུ་སེར་དང་། གཅིན་དང་། ཀླད་པ་སྟེ། མི་གཙང་བའི་རྫས་སུམ་ཅུ་རྩ་གཉིས་སོ།།
144a7 ལུས་འདི་ལ་མི་གཙང་བར་བལྟ་བར་བྱའོ།། ཀུན་དགའ་བོ་མི་གཙང་བ་འདི་རྣམས་བསྟན་པར་གྱིས་ཤིག། ཀུན་དགའ་བོ་བར་དུ་བཅོད་པ་རྣམ་ན་དགེ་སློང་ཀུན་དགའ་བོ་འདི་ནི་དགོན་པ
iiif viewer powered by OpenSeadragon
