| e-texts navigator |
| Wylie |
139b1 ལས་རྣམ་པར་གྲོལ།། མྱ་ངན་མེད་དང་འཇིགས་པའང་མེད།། ནད་རྣམས་ཐམས་ཅད་དེ་ལ་མེད།། མ་ནིང་བུད་མེད་དུ་མི་སྐྱེ།། ཅུང་ཟད་གང་ནི་དོན་གཉེར་འདོད།། དེ་ཡི་འདོད་པ་གྲུབ
139b2 པར་འགྱུར།། ཕན་ཚུན་དུ་ནི་མཛའ་བ་མང་།། གཞན་ནི་མི་དགའ་དེ་ལ་མེད།། དབང་པོ་ཀུན་ནི་ཚང་བ་དང་།། དགེ་བའི་མཚན་ཉིད་ཡང་དག་ལྡན།། བཟོད་ཆུང་དང་རོགས་པ་མེད།།
139b3 སྐྱེས་པ་བུད་མེད་ངོགས་མེད་དོ།། ལོག་པར་གཡེམ་པ་སྤངས་པ་ཡི།། སྐྱེས་པའམ་ནི་བུད་མེད་ཀྱིས།། ཕན་ཡོན་འདི་ནི་མྱོང་བར་འགྱུར།། ལྦའམ་ཡང་ན་མི་རྣམས་ཀྱིས།། དེའི་ལུས
139b4 ཞིག་ནས་ཤི་བའི་ཕ་རོལ་ཏུ་མཐོ་རིས་དང་ལྷའི་འཇིག་རྟེན་དུ་བདེ་འགྲོར་སྐྱེ་བར་འགྱུར་རོ།། གང་ཞིག་སྐྱེས་པ་འདོད་པ་ཡིས།། སྐྱེ་བ་ཡང་དང་ཡང་དུ་ནི།། བུད་མེད་གཞན་ལ་འགྲོ་མི་བྱ།། སེམས
139b5 ཀྱི་དྲི་མ་བཀྲུ་བའོ།། བུད་མེད་གང་ཞིག་གིས་གྱོས་སྒྱུ་ག་ལ་ཉེ་བར་མི་བསྙེན་པ་དང་། རང་གི་ཁྱོལ་ཉེ་བར་མི་བསྙེན་པ་དང་། རང་གི་བྱོ་ལ་མི་བརྩི་བ་དང་། རང་གི་ཁྱོའི་ཕུ་བོ་ལ་མི་འདུད་པ་དང
139b6 རང་གི་ཁྱོའི་སྲིང་མོ་རྣམས་ལ་གནོད་པར་བྱེད་པ་དང་།། གཞན་ཡང་ལག་པ་དང་། རྐང་པ་དང་། རྒྱ་བ་ལ་ལས་སུ་བྱ་བ་མི་བྱེད་པ་དང་། བཟའ་བ་རང་བཏུང་བ་གང་འདོར་པ་མི་སྟེར་བ་དང་།
139b7 དེ་རྣམས་ལ་ངོ་ཚ་དང་ཁྲེལ་དུ་མི་བྱེད་པ་དང་། རང་གི་ཁྱོ་བོ་ལ་ཀློག་པར་བྱེད་པ་དང་། སྐུར་པ་བཏབ་ན་དམྱལ་བར་སྐྱེ་བར་འགྱུར་རོ།། ལྕགས་བསྲེགས་ཀྱི་ས་བཞིའི་སྟེང་དུ་ཉལ་བ་དང་།
iiif viewer powered by OpenSeadragon
