| e-texts navigator |
| Wylie |
138a1 སྐྱེས་པའམ་ནི་བུད་མེད་ནི།། ཐོབ་པར་འགྱུར་ཏེ་ཕན་ཡོན་ནོ།། ཡོན་ཏན་ཉི་ཤུ་མི་དམན་པར།། རྟག་ཏུ་འབྲུ་ནི་མང་བ་དང་།། མཐའ་ཡས་ལོངས་སྤྱོད་ཕུན་སུམ་ཚོགས།
138a2 སྔར་མེད་པ་ནི་རབ་ཏུ་འཕེལ།། འདོད་པ་རྣམས་ནི་བརྟན་པ་དང་།། གཟུགས་སྒྲ་རོ་དང་དྲི་དང་ནི།། རེག་བྱ་རྣམས་ནི་ཡིད་དུ་འོང་།། དོན་དུ་གཉེར་བ་ཐམས་ཅད་ལ།། བསམ་པ་ཐམས་ཅད་མྱུར་དུ
138a3 འགྲུབ།། དེ་ལ་རྒྱལ་པོ་ཆོམ་རྐུན་དང་།། མི་མཛའ་བ་ཡིས་མི་འཕྲོག་དང་།། མེ་འམ་ཡང་ན་ཆུ་དང་ནི།། དེ་རྣམས་ཀྱིས་ནི་འཚེ་མི་འགྱུར།། འདི་འདྲ་བ་ཡི་ལོངས་སྤྱོད་ལྡན།། གང་ཞིག་སྟེར
138a4 དང་ཟ་བ་ལ།། མེད་ཅེས་པ་ནི་འབྱུང་མི་འགྱུར།། རྟག་ཏུ་བདེ་བར་གནས་པ་དང་།། མ་བྱིན་ལེན་པ་སྤངས་པ་ཡིན།། སྐྱེས་པའམ་ནི་བུད་མེད་ལ།། ཐོབ་པར་འགྱུར་ཏེ་ཕན་ཡོན་ནོ།། ལྷ་རྣམས
138a5 དང་ནི་མི་རྣམས་སུ།། དེ་ལུས་ཞིག་ཅིང་ཤི་ནས་བདེ་འགྲོ་མཐོ་རིས་དང་ལྷའི་འཇིག་རྟེན་དུ་ཉེ་བར་སྐྱེའོ།། འདོད་པ་རྣམས་ལ་ལོག་པར་གཡེམ་པས་ནི་འཚེ་བའི་འཇིག་རྟེན་འདིར་འདོད་པར་བྱེད་པ་ནི
138a6 དེའི་ལུས་ཞིག་ནས་ཤི་བའི་ཕ་རོལ་ཏུ་ངུ་འབོད་ཆེན་པོར་སྐྱེ་ཞིང་ལྷུང་བར་འགྱུར་རོ།། དེ་ནས་ཕྱི་འུ་ཆུ་བོ་རབ་མེད་ཀྱི་ངོགས་གཉིས་སུ། ཤལ་མ་ལིའི་ནགས་དཔག་ཚད་བརྒྱད་ཅུ་གྱེན་དུ་མཉམ་ཞིང
138a7 མཐོ་བ། ཚེར་མ་སོར་བཅུ་དྲུག་པ་ཡལ་ག་རྣམས་ཐུར་ལ་འཕྱང་བ། ལུས་པོ་རྒྱང་གྲགས་བཅུ་གཉིས་དང་ལྡན་ཞིང་ལུས་ལ་མེ་གྱེན་དུ་འབར་བ། དཔག་ཚད་དྲུག་ཅུར་གྱེན་དུ་འགྲོ་ཞིང་དེ་ལ་རྟག་ཏུ་སྣ
iiif viewer powered by OpenSeadragon
