| e-texts navigator |
| Wylie |
382b1 ཞེ་ན། དེའི་སྨོན་པ་དེ་འགྲུབ་པར་འགྱུར་རོ།། གལ་ཏེ་འདོད་དེ། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་ཀྱི་འབྲས་བུ་དང་། རང་བྱང་ཆུབ་མངོན
382b2 དུ་བྱའོ་ཞེ་ན། དེའི་སྨོན་པ་དེ་འགྲུབ་པར་འགྱུར་རོ།། གལ་ཏེ་འདོད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་བྱང་ཆུབ་པར་འགྱུར་ཅིག་ཅེ་ན། དེའི་སྨོན་པ་དེ་འགྲུབ།
382b3 པར་འགྱུར་ཏེ། མང་པོ་དེ་དག་ནི་གནས་སྦྱིན་པའི་ཕན་ཡོན་ནོ།། སྐོམ་སྦྱིན་པའི་ཕན་ཡོན་བཅུ་སྟེ། བཅུ་གང་ཞེ་ན། དབང་པོ་ཐམས་ཅད་ཡོངས་སུ་ཚང་བར་འགྱུར་བ་དང་། དཔྲལ་བ་དག་ཅིང
382b4 འཛུམ་པའི་བཞིན་དུ་འགྱུར་བ་དང་། ཡོན་ཏན་དང་ལྡན་པར་འགྱུར་བ་དང་། སེམས་ཀྱི་རྒྱུད་མཉན་པར་འགྱུར་བ་དང་། སྐོམ་པར་མི་འགྱུར་བ་དང་། སྐོམ་ནའང་ཆུ་འབྱུང་བར་འགྱུར་བ་དང་།
382b5 ཡི་དགས་སུ་སྐྱེ་བར་མི་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིགས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་སྐེམ་སྦྱིན་པའི།
382b6 ཕན་ཡོན་ནོ།། རབ་ཏུ་འབྱུང་བའི་ཕན་ཡོན་བཅུ་སྟེ། བཅུ་གང་ཞེ་ན། དེ་བུ་དང་། ཆུང་མ་དང་། ནོར་ལ་སྲེད་པར་མི་འགྱུར་བ་དང་། དེ་འདོད་པ་ཡོངས་སུ་འཛིན་པར་མི་འགྱུར་བ་དང་། དགོན།།
382b7 པར་གནས་པ་ལ་དགའ་བ་རྙེད་པ་དང་། སངས་རྒྱས་ལ་གུས་པར་འགྱུར་བ་དང་། བདུད་ཀྱི་སྤྱོད་ཡུལ་རྣམ་པར་སྤོང་བ་དང་། བདེ་འགྲོ་ཐོབ་པར་བྱེད་པའི་ཆོས་རྣམས་ཡོངས་སུ་ཚོལ་བ་དང་།
iiif viewer powered by OpenSeadragon
