| e-texts navigator |
| Wylie |
381b1 རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་བཞོན་པ་སྦྱིན་པའི་ཕན་ཡོན་ནོ།། གནས་སྦྱིན་པའི་ཕན་ཡོན་རབ་ཏུ་མང་སྟེ། མང་པོ
381b2 གང་ཞེ་ན། དེ་ལ་འཇིགས་པ་མི་འབྱུང་ངོ་།། གདིང་བ་དང་བགོ་བ་ཤིན་ཏུ་འཇམ་པོ་རྙེད་པར་འགྱུར་རོ།། ལྷ་དང་མི་རྣམས་ཀྱི་འདོད་པའི་ཕན་ཡོན་ལྔ་རྙེད་པར་འགྱུར་རོ།། གལ་ཏེ་འདོད་དེ།
381b3 མ་ལ་ཀྱེ་མ་བདག་རྒྱལ་རིགས་ཤིང་སཱ་ལ་ཆེན་པོ་ལྟ་བུའི་ཁྱིམ་དུ་སྐྱེ་བར་གྱུར་ཅིག་ཅེའམ། བྲམ་ཟེ་ཤིང་སཱ་ལ་ཆེན་པོ་ལྟ་བུའི་ཁྱིམ་དུ་སྐྱེ་བར་གྱུར་ཅིག་ཅེའམ། ཁྱིམ་བདག་ཤིང་སཱ་ལ
381b4 ཆེན་པོ་ལྟ་བུའི་ཁྱིམ་དུ་སྐྱེ་བར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ།། གལ་ཏེ་འདོད་དེ། ཀྱེ་མ་བདག་གྲོང་གི་གཙོ་བོར་གྱུར་ཅིག་ཅེ་འམ། གྲོང་ཁྱེར་གྱི་གཙོ་བོར་གྱུར་ཅིག་ཅེ་འམ།
381b5 གྲོང་རྡལ་གྱི་གཙོ་བོར་གྱུར་ཅིག་ཅེའམ། རི་བྲགས་ཀྱི་རྒྱལ་པོར་གྱུར་ཅིག་ཅེའམ། རྒྱལ་ཕྲན་དུ་གྱུར་ཅིག་ཅེའམ། རྒྱལ་པོ་བཙན་པར་གྱུར་ཅིག་ཅེའམ། དེའི་སྨོན་པ་དེ་དེ་བཞིན་དུ་འགྲུབ
381b6 པར་འགྱུར་རོ།། གལ་ཏེ་འདོད་དེ། གླིང་གཅིག་གི་རྒྱལ་པོར་གྱུར་ཅིག་ཅེའམ། གླིང་གཉིས་ཀྱི་རྒྱལ་པོར་གྱུར་ཅིག་ཅེའམ། གླིང་གསུམ་གྱི་རྒྱལ་པོར་གྱུར་ཅིག་ཅེའམ། འཁོར་ལོ
381b7 སྒྱུར་བའི་རྒྱལ་པོར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ།། གལ་ཏེ་འདོད་དེ། རྒྱལ་ཆེན་བཞིའི་རིས་ཀྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེ་ན། དེའི་སྨོན།།
iiif viewer powered by OpenSeadragon
