| e-texts navigator |
| Wylie |
376a1 འོག་ཏུ་ངན་སོང་ངན་འགྲོར་རྣམ་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་བའོ།། བརྫུན་དུ་སྨྲ་བ་ལ་ཉེས་དམིགས་བཅུར་རིག་པར་བྱ་སྟེ། བཅུ་གང
376a2 ཞེ་ན། དེ་ཁ་མནམ་པར་འགྱུར་བ་དང་། དེའི་ལུས་ལས་ལྷ་རྣམས་མི་འཕངས་པ་དང་། མི་མ་ཡིན་པ་རྣམས་ཀྱིས་དེ་ལ་གླགས་རྙེད་པར་འགྱུར་བ་དང་། བདེན་པ་སྨྲས་ཀྱང་དེ་ལ་སུའང་ཡིད།
376a3 ཆེས་པར་མི་འགྱུར་བ་དང་། བརྫུན་སྨྲ་བར་འགྱུར་བ་དང་། ཡིད་ཆེས་པར་བྱ་བའི་གནས་རྣམས་སུ་མཁས་པ་རྣམས་དེ་ལ་དྲི་བར་བྱ་བར་མི་སེམས་པ་དང་། དེའི་བདེན་པ་མ་ཡིན་པའི
376a4 བསྔགས་པ་དང་། བརྗོད་པ་དང་། སྒྲ་དང་། ཚིགས་སུ་བཅད་པ་མ་ཡིན་པ་འབྱུང་བ་དང་། གཟུང་བའི་ཚིག་ཏུ་མི་འགྱུར་བ་དང་། སྐུར་པ་འདེབས་པར་འགྱུར་བའི་ལས་བྱེད་ཅིང
376a5 བསོགས་པ་དང་། ལུས་དང་བྲལ་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བའོ།། འབྲུ་དང་། འབྲས་བུའི་ཆང་བག་མེད་པའི་གནས
376a6 ལ་ཉེས་དམིགས་སུམ་ཅུ་རྩ་དྲུག་ཏུ་རིག་པར་བྱ་སྟེ། སུམ་ཅུ་རྩ་དྲུག་གང་ཞེ་ན། ཚེ་འདི་ལ་ནོར་ཟད་པ་དང་། ནད་ཀྱི་གཞིར་འགྱུར་བ་དང་། འཐབ་པ་དང་། མཚང་འདྲུ་བ་དང་།
376a7 པ་འཕེལ་བ་དང་། གསང་བའི་གནས་སྟོན་པ་དང་། ཤེས་རབ་ཉམས་པར་བྱེད་པ་དང་། མཐོབ་པའི་ལོངས་སྤྱོད་རྣམས་མི་ཐོབ་པ་དང་། ལོངས་སྤྱོད་ཐོབ་པ་རྣམས་ལས་ཡོངས་སུ་ཉམས་པར་འགྱུར།
iiif viewer powered by OpenSeadragon
