| e-texts navigator |
| Wylie |
375b1 སུ་སྐྱེ་བར་འགྱུར་རོ།། མ་བྱིན་པར་ལེན་པ་ལ་ཉེས་དམིགས་བཅུར་རིག་པར་བྱ་སྟེ། བཅུ་གང་ཞེ་ན། ཁོ་ན་གཅུགས་འགྱུར་བ་དང་། དོགས་པར་འགྱུར་བ་དང་། དུས་མ་ཡིན་པར་རྒྱུ་བ་དང་།
375b2 དགོངས་ཀར་རྒྱུ་བ་དང་། སྡིག་པའི་གྲོགས་པོས་ཡོངས་སུ་ཟིན་པ་དང་། དགེ་བའི་བཤེས་གཉེན་གྱིས་རྣམ་པར་སྤངས་པ་དང་། ངང་ཚུལ་ངན་པ་དང་། རྒྱལ་པོའི་གནོད་པ་དང
375b3 ཆད་པའི་གནོད་པ་འབྱུང་བ་དང་། ལོངས་སྤྱོད་ཀྱིས་འཕོངས་པར་འགྱུར་བའི་ལས་བྱེད་ཅིང་བསོགས་པ་དང་། ལུས་དང་བྲལ་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན
375b4 དམྱལ་བ་རྣམས་སུ་སྐྱེ་བར་འགྱུར་བའོ།། འདོད་པ་ལ་ལོག་པར་གཡེམ་པ་ལ་ཉེས་དམིགས་བཅུར་རིག་པར་བྱ་སྟེ། བཅུ་གང་ཞེ་ན། གང་དག་གི་ཆུང་མ་ལ་ཉལ་པོ་བྱེད་པ་དེ་དག་དེ་ལ་གླགས
375b5 ཚོལ་བར་འགྱུར་བ་དང་། དེའི་ཆུང་མ་དང་རྩོད་པར་འགྱུར་བ་དང་། དེའི་མི་དགེ་བའི་ཆོས་འཕེལ་བར་འགྱུར་བ་དང་། དེའི་དགེ་བའི་ཆོས་ཡོངས་སུ་འགྲིབ་ཅིང་ཡོངས་སུ་ཟད་པར་འགྱུར
375b6 བ་དང་། བདག་མ་སྦས་ཤིང་མ་བསྲུངས་པ་དང་། དེའི་བུ་དང་། ཆུང་མ་དང་། ནོར་རྣམས་མ་སྦས་ཤིང་མ་བསྲུངས་པ་དང་། དོགས་པར་འགྱུར་བ་དང་། མཛའ་བཤེས་དང
375b7 བློན་པོ་དང་། ཉེ་དུ་དང་། སྣག་གི་གཉན་མཚམས་རྣམས་ཡིད་མི་རྟོན་པ་དང་། བྱི་བ་བྱེད་པ་དང་བཅས་པར་འགྱུར་བའི་ལས་བྱེད་ཅིང་བསོགས་པ་དང་། ལུས་དང་བྲལ་ནས་ཤི་བའི
iiif viewer powered by OpenSeadragon
