| e-texts navigator |
| Wylie |
372b1 འཛིན་དུ་མ་བཅུག་པ་ཡིན། དེས་ཀྱང་སྦྱིན་པ་ཅིའང་མ་བཏང་བ་ཡིན། སྡིག་པའི་ལས་ཀྱང་མ་བྱས་ཤིང་མ་བསགས་པ་ཡིན་ཏེ། གང་ཟག་དེ་གང་གི་ཚེ་མི་རྣམས་ཀྱི་ནང་དུ་སྐྱེ་བ་ན་དབུལ་པོ་བཟའ་བ་དང་།
372b2 བཏུང་བ་དང་། ཁ་ཟས་ཉུང་བ། སྡུག་བསྔལ་བ་སྡུག་བསྔལ་བས་འཚོ་བའི་ཁྱིམ་རྣམས་སུ་སྐྱེ་བར་འགྱུར་ཏེ། དེ་དེ་ན་སྡུག་བསྔལ་བར་བཟའ་བ་དང་། བགོ་བ་རྙེད་པར་འགྱུར་རོ།། གཏོང་བ་མ་བསྒོམ
372b3 པས་དབུལ་ཞིང་སེར་སྣ་ཅན་དུ་འགྱུར་ཏེ། འདི་ནི་ལས་གང་དང་ལྡན་ན། གང་ཟག་དབུལ་པོར་གྱུར་ལ། སེར་སྣ་ཅན་དུ་འགྱུར་བའི་ལས་སོ།། དེ་ལ་ལས་གང་དང་ལྡན་ན། གང་ཟག
372b4 ལུས་བདེ་བར་གྱུར་ལ། སེམས་ཀྱིས་མ་ཡིན་པའི་ལས་གང་ཞེ་ན། བསོད་ནམས་བྱས་པའི་སོ་སོའི་སྐྱེ་བོ་སྟེ། དཔེར་ན་འཁོར་ལོས་སྒྱུར་བའི་རྒྱལ་པོ་ལྟ་བུ་སྟེ། གང་ཟག་འདི་ནི
372b5 ལུས་བདེ་བར་གྱུར་ལ། སེམས་ཀྱིས་མ་ཡིན་པའོ།། དེ་ལ་ལས་གང་དང་ལྡན་ན། གང་ཟག་སེམས་བདེ་བར་གྱུར་ལ། ལུས་ཀྱིས་མ་ཡིན་པའི་ལས་གང་ཞེ་ན། བསོད་ནམས་མ་བྱས་པའི་དགྲ
372b6 བཅོམ་པ་སྟེ། དཔེར་ན་གནས་བརྟན་ལ་ཀུན་ཅིག་ལྟ་བུ་སྟེ། གང་ཟག་འདི་ནི་སེམས་བདེ་བར་གྱུར་ལ། ལུས་ཀྱིས་མ་ཡིན་པའོ།། དེ་ལ་ལུས་ཀྱང་བདེ་ལ། སེམས་ཀྱང་བདེ་བའི་གང་ཟག་གང་ཞེས།
372b7 བསོད་ནམས་བྱས་པའི་དགྲ་བཅོམ་པ་སྟེ། དཔེར་ན་གནས་བརྟན་ཤེ་བ་ལ་ལྟ་བུ་སྟེ། གང་ཟག་འདི་ནི་ལུས་ཀྱང་བདེ་ལ། སེམས་ཀྱང་བདེ་བའོ།། དེ་ལ་ལུས་ཀྱང་མི་བདེ་ལ། སེམས་ཀྱང་མི་བདེ་བའི
iiif viewer powered by OpenSeadragon
