| e-texts navigator |
| Wylie |
371a1 སྦྱིན་པ་བྱིན་ནས་ནི་མི་འགྱོད་པར་གྱུར་ཅིང་། དགའ་བ་དང་ཡིད་བདེ་བ་སྐྱེ་བ་ཡིན་ཏེ། གང་ཟག་དེ་གང་གི་ཚེ་མི་རྣམས་ཀྱི་ནང་དུ་སྐྱེ་བ་ན། དབུལ་པོ་བཟའ་བ་དང་། བཏུང་བ་དང་།
371a2 ཁ་ཟས་ཉུང་བ་སྡུག་བསྔལ་བས་འཚོ་བའི་ཁྱིམ་རྣམས་སུ་སྐྱེ་བར་འགྱུར་བ་སྟེ། དེར་སྡུག་བསྔལ་བར་བཟའ་བ་དང་། བགོ་བ་རྙེད་ལ། དེས་ཚེ་འགྲོས་སུ་གྱུར་པ་དང་། ལོངས་སྤྱོད་དེ་དག་འཕེལ
371a3 ཞིང་རྒྱས་པར་འགྱུར་བ་སྟེ། འདི་ནི་ལས་གང་དང་ལྡན་ན། གང་ཟག་སྔར་སྡུག་བསྔལ་བར་གྱུར་ལ། ཕྱིས་བདེ་བར་འགྱུར་བའི་ལས་སོ།། དེ་ལ་ལས་གང་དང་ལྡན་ན། གང་ཟག་སྔར་ཡང་བདེ
371a4 བར་གྱུར་ལག་བྱིས་ཀྱང་བདེ་བར་འགྱུར་བའི་ལས་གང་ཞེ་ནའདི་ལ་གང་ཟག་འགའ་ཞིག་སྦྱིན་པ་སྦྱིན་པ་ན། ཡིད་དགའ་བཞིན་དུ་བྱིན་ཏེ་དགའ་བ་དང་ཡིད་བདེ་བ་སྐྱེས་ནས། བྱིན་ནས་ཀྱང
371a5 མི་འགྱོད་པ་ཡིན་ཏེ། གང་ཟག་དེ་གང་གི་ཚེ་མི་རྣམས་ཀྱི་ནང་དུ་སྐྱེ་བ་ན་ཕྱུག་པ་དང་། ནོར་ཆེ་བ་དང་། ལོངས་སྤྱོད་ཆེ་བ་དང་། ནོར་དང་ཡོ་བྱད་མང་བ་དང་། བདག་དབང་བ་མང་བ་དང་། མཛའ
371a6 བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་མང་བ་དང་། མཛོད་དང་བང་བ་ཡོངས་སུ་གོང་བའི་ཁྱིམ་རྣམས་སུ་སྐྱོ་བར་འགྱུར་ཏེ། ཁྱིམ་དེ་ལྟ་བུ་དག་ཏུ་སྐྱེས་ནས་ཤིན་ཏུ།
371a7 སྒྱིད་ལ། བཞོན་པ་ལ་ཞོན་ཞིང་བདེ་བར་སྤྱོད་ལ། དེའི་ལོངས་སྤྱོད་དེ་དག་ཕྱིས་ཀྱང་འཕེལ་བ་སྟེ། འདི་ནི་ལས་གང་དང་ལྡན་ན། གང་ཟག་སྔར་ཡང་བདེ་བར་གྱུར་ལ། ཕྱིས་ཀྱང་བདེ་བར་འགྱུར་བ་།
iiif viewer powered by OpenSeadragon
