| e-texts navigator |
| Wylie |
369b1 ཡོངས་སུ་རྫོགས་པར་བྱས་ཤིང་། ཚིག་ཏུ་ཡང་ལས་འདི་བྱའོ་ཞེས་སྨྲས་ལ། དེ་མ་བྱས་པ་སྟེ། ལས་འདི་ནི་བསགས་ལ་མ་བྱས་པའོ།། དེ་ལ་བྱས་ལ་བསགས་པའི་ལས་གང་ཞེ་ན
369b2 ལས་གང་བྱིས་ནས་ངོ་མི་ཚ་བ་དང་། མི་འཛེམ་པ་དང་། མི་འགྱོད་པ་དང་། མི་སྨོད་པ་དང་། མི་འཆགས་པ་དང་། མི་འཐོལ་བ་དང་། མི་འདོར་བ་དང་། མི་སྤོང་བ་དང་། མ་འོངས་པ་ན
369b3 སྡོམ་པར་མི་བྱེད་པ་སྟེ། ལས་འདི་ནི་བྱས་ལ་བསགས་པའོ།། དེ་ལ་མ་བྱས་ལ་མ་བསགས་པའི་ལས་གང་ཞེ་ན། ལས་གུང་ཆེད་དུ་མ་བསམ་པར་བྱས་པ་སྟེ། ལས་འདི་ནི་མ་བྱས་ལམ།
369b4 བསགས་པའོ།། དེ་ལ་ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་ཏེ། སེམས་ཅན་དམྱལ་བ་པའི་ཚེ་ཡོངས་སུ་རྫོགས་པས་ཟད་པར་བྱས་ནས། འཆི་འཕོ་བའི
369b5 ལས་གང་ཞེ་ན། འདི་ལ་གང་ཟག་འགའ་ཞིག་གིས་སེམས་ཅན་དམྱལ་བར་འགྱུར་བའི་ལས་བྱིས་ཤིང་བསགས་པར་གྱུར་ལ། དེ་ལས་དེས་ངོ་མཚ་བ་དང་། མི་འཛེམ་པ་དང་། མི་འགྱོད་པ་དང
369b6 མི་སྨོད་པ་དང་། མི་འཆགས་པ་དང་། མི་འཐོལ་བ་དང་། མི་འདོར་བ་དང་། མི་སྤོང་བ་དང་། མིག་ཤུང་བ་དང་། སྨོད་པར་མི་བྱེད་པ་དང་། ཡང་གནོད་པར་བྱའོ་ཞེས་ཤར་གཉེར་བ་ཚོལ་བ་སྟེ།
369b7 དཔེར་ན་ལྷ་སྦྱིན་ལྟ་བུའོ།། འདི་ནི་ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་ཏེ། སེམས་ཅན་དམྱལ་བ་པའི་ཚེ་ཡོངས་སུ་རྫོགས་པར་ཟད་པར་བྱས་ནས་འཆི།།
iiif viewer powered by OpenSeadragon
