| e-texts navigator |
| Wylie |
368b1 དག་སྤོང་བའོ།། ཆོས་བཅུ་པོ་དེ་དག་ནི་མིར་སྐྱེ་བར་འགྱུར་བ་སྟེ། ལས་འདི་ནི་མིར་སྐྱེ་བར་འགྱུར་བའོ།། དེ་ལ་འདོད་པ་ན་སྤྱོད་པའི་ལྷར་སྐྱེ་བར་འགྱུར་བའི་ལས་གང་ཞེ་ན། དགེ་བ་བཅུའི་ལས
368b2 ཀྱི་ལམ་རྣམས་ལེགས་པར་སྦྱངས་པ་ལ་མཉམ་པར་བཞག་པ་སྟེ། ལས་འདི་ནི་འདོད་པ་ན་སྤྱོད་པ་ལྷར་སྐྱེ་བར་འགྱུར་བའོ།། དེ་ལ་གཟུགས་ན་སྤྱོད་པའི་ལྷར་སྐྱེ་བར་འགྱུར་བའི་ལས
368b3 གང་ཞེ་ན། ཏིང་ངེ་འཛིན་གྱིས་ལེགས་པར་མཉམ་པར་གཞག་པ་ཟག་པ་དང་བཅས་པའི་དགེ་བཅུའི་ལས་ཀྱི་ལམ་རྣམས་ཏེ། ལས་འདི་ནི་གཟུགས་ན་སྤྱོད་པའི་ལྷར་སྐྱེ་བར་འགྱུར་བའོ།། གཟུགས
368b4 མེད་པ་ན་སྤྱོད་པའི་ལྷར་སྐྱེ་བར་འགྱུར་བའི་ལས་གང་ཞེ་ན། གཟུགས་མེད་པའི་སྙོམས་པར་འཇུག་པ་བཞི་སྟེ། བཞི་གང་ཞེ་ན། གཟུགས་ཀྱི་འདུ་ཤེས་རྣམས་ལས་རྣམ་པ་ཐམས་ཅད་དུ་ཡང
368b5 དག་པར་འདས་ཏེ། ཐོགས་པའི་འདུ་ཤེས་རྣམས་ནུབ་ནས། སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས་ནམ་མཁའ་མཐའ་ཡས་སོ་ཞེས་ནམ་མཁའ་མཐའ་ཡས་སྐྱེ་མཆེད་ཉེ་བར
368b6 བསྒྲུབས་ཏེ་གནས་པ་དང་། ནམ་མཁའ་མཐའ་ཡས་སྐྱེ་མཆེད་ལས་རྣམ་པ་ཐམས་ཅད་དུ་ཡང་དག་པར་འདས་ནས་རྣམ་པར་ཤེས་པ་མཐའ་ཡས་སོ་ཞེས་རྣམ་ཤེས་མཐའ་ཡས་སྐྱེ་མཆེད
368b7 ཉེ་བར་བསྒྲུབས་ཏེ་གནས་པ་དང་། རྣམ་ཤེས་མཐའ་ཡིས་སྐྱེ་མཆེད་ལས་རྣམ་པ་ཐམས་ཅད་དུ་ཡང་དག་པར་འདས་ནས་ཅིའང་མེད་དོ་ཞེས་ཅིའང་མེད་པའི་སྐྱེ་མཆེད་ཉེ་བར་བསྒྲུབས་ཏེ་གནས
iiif viewer powered by OpenSeadragon
