| e-texts navigator |
| Wylie |
367b1 མི་འཇིགས་པ་ཉེ་བར་སྒྲུབ་པ་དང་། ལེགས་པར་བཤད་པ་རྣམས་ཡོངས་སུ་མི་སྤོང་བ་དང་། ཉེས་པར་བཤད་པ་རྣམས་ཡོངས་སུ་སྤོང་བ་དང་། དམ་པའི་ཆོས་ཡོངས་སུ་མི་སྤོང་བ་དང་། དམ་པའི་ཆོས
367b2 མ་ཡིན་པ་ཡོངས་སུ་སྤོང་བ་དང་། ཆོས་སྨྲ་བའི་གང་ཟག་རྣམས་ལ་ལེགས་སོ་ཞེས་བྱ་བ་སྦྱིན་པ་དང་། ལོག་པར་ལྟ་བ་ལ་སྨོད་པ་དང་། ཡང་དག་པར་ལྟ་བ་ལ་བསྔགས་པར་བྱེད་པའོ།། ཆོས་བཅུ་པོ་དེ
367b3 དག་ནི་ཤེས་རབ་ཆེན་པོར་འགྱུར་བ་སྟེ། ལས་འདི་ནི་ཤེས་རབ་ཆེན་པོར་འགྱུར་བའོ།། དེ་ལ་སེམས་ཅན་དམྱལ་བར་སྐྱེ་བར་འགྱུར་བའི་ལས་གང་ཞེ་ན། སེམས་ཅན་དམྱལ་བར་འགྱུར་བའི་ཆོས་བཅུ
367b4 སྟེ། བཅུ་གང་ཞེ་ན། ལུས་ཀྱི་ཉེས་པར་སྤྱོད་པ་ཆེ་བ་དང་། ངག་གི་ཉེས་པར་སྤྱོད་པ་ཆེ་བ་དང་། ཡིད་ཀྱི་ཉེས་པར་སྤྱོད་པ་ཆེ་བ་དང་། ཆད་པར་ལྟ་བ་དང་། རྟག་པར་ལྟ་བ་དང་། མེད་པར་ལྟ་བ་དང་། བྱེད་པ་མེད་པར
367b5 ལྟ་བ་དང་། བྱས་པ་མི་གཟོ་བ་དང་། མཚམས་མེད་པའི་ལས་ལ་སྐུར་པ་འདེབས་པ་དང་། ལོག་པར་ལྟ་བ་ཡང་དག་པར་འཛིན་དུ་འཇུག་པ་ནི་བཅུ་པའོ།། ཆོས་བཅུ་པོ་དེ་དག་ནི་སེམས་ཅན་དམྱལ་བར་སྐྱེ
367b6 བར་འགྱུར་བ་སྟེ། ལས་འདི་ནི་སེམས་ཅན་དམྱལ་བར་སྐྱེ་བར་འགྱུར་བའོ།། དེ་ལ་དུད་འགྲོར་སྐྱེ་བར་འགྱུར་བའི་ལས་གང་ཞེ་ན། དུད་འགྲོར་སྐྱེ་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། ལུས་ཀྱི་ཉེས
367b7 པར་སྤྱོད་པ་འབྲིང་དང་། ངག་གི་ཉེས་པ་སྤྱོད་པ་འབྲིང་དང་། ཡིད་ཀྱི་ཉེས་པར་སྤྱོད་པ་འབྲིང་དང་། འདོད་ཆགས་ཀྱིས་ཀུན་ནས་བསླང་བའི་ལས་སྣ་ཚོགས་དང་། ཞེ་སྡང་གིས་ཀུན་ནས་བསླང་བའི་ལས
iiif viewer powered by OpenSeadragon
