| e-texts navigator |
| Wylie |
362a1 ཀྱེ་གོའུ་ཏ་མ་ལས་གང་གི་རྣམ་པར་སྨིན་པས་སེམས་ཅན་འདི་དག་ལས་སྣ་ཚོགས་སུ་གདའ། བྲམ་ཟེའི་ཁྱེའུ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་བཤད།
362a2 དོ།། བྲམ་ཟེའི་ཁྱེའུ་སེམས་ཅན་རྣམས་ནི་ལས་བདག་གིར་འགྱུར་བ། ལས་ཀྱི་བགོ་སྐལ་ལ་སྤྱོད་པ། ལས་ཀྱི་སྐྱེ་གནས་ཅན། ལས་ལ་སྟོན་པ་སྟེ། བྲམ་ཟེའི་ཁྱེའུ་སེམས་ཅན་རྣམས་ནི
362a3 ལས་ཀྱིས་འདི་ལྟ་སྟེ། དམན་པ་དང་། མཆོག་དང་། འབྲིང་དང་། མཆོག་དང་། མཐོན་པོ་དང་། དམའ་བ་དང་། དོན་དང་། བཟང་པོ་རྣམས་སུ་རྣམ་པར་ཕྱེའོ།། གོའུ་ཏ་མ་ཁྱོད་ཀྱིས་མདོར་བཤད།།
362a4 དེ། རྣམ་པར་མ་ཕྱེད་པ་འདི་བདག་གིས་དོན་རྒྱ་ཆེར་མ་འཚལ་ཏོ།། བྲམ་ཟེའི་ཁྱེའུ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་བཤད་དོ།། སེམས་ཅན་རྣམས་ཀྱི་ལས་སྣ་ཚོགས་དང
362a5 ཉོན་མོངས་པ་སྣ་ཚོགས་དང་། ལྟ་བ་སྣ་ཚོགས་དང་། སྤྱོད་པ་སྣ་ཚོགས་རིག་ནས་ལས་ནག་པོ་དང་། དཀར་པོ་རྣམས་ཀྱི་འབྲས་བུ་རྣམ་པར་སྨིན་པ་བརྗོད་པར་བྱ་སྟེ། བྲམ་ཟེའི་ཁྱེའུ་ལས་ནག
362a6 པོས་ནི་ངན་སོང་སེམས་ཅན་དམྱལ་བ་དང་། དུད་འགྲོ་དང་། ཡི་དགས་རྣམས་ཀྱི་ནང་དུ་སྐྱེའོ།། ལས་དཀར་པོས་ནི་ལྷ་དང་མི་རྣམས་ཀྱི་ནང་དུ་སྐྱེའོ།། བྲམ་ཟེའི་ཁྱེའུ་ཚེ་ཐུང་བར་འགྱུར་བའི་ལས་ཀྱང
362a7 ཡོད། ཚེ་རིང་བར་འགྱུར་བའི་ལས་ཀྱང་ཡོད། ནད་མང་བར་འགྱུར་བའི་ལས་ཀྱང་ཡོད།། ནད་ཉུང་བར་འགྱུར་བའི་ལས་ཀྱང་ཡོད། མིདོག་མི་སྡུག་པར་འགྱུར་བའི་ལས་ཀྱང་ཡོད། མཛེས
iiif viewer powered by OpenSeadragon
