| e-texts navigator |
| Wylie |
361b1 ནང་དུ་སྐྱེ་བར་འགྱུར།། དེ་བཞིན་གཤེགས་ལ་སེམས་དད་པ།། དེ་ཡི་རྒྱུས་ནི་སེམས་ཅན་རྣམས།། དཔེར་ན་མདའ་ནི་འཕངས་པ་བཞིན།། དེ་ལྟར་བཟང་འགྲོར་འགྲོ་བར་འགྱུར།། དེ་ནས་ཏོ།།
361b2 ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་དང་ལྷན་ཅིག་ཏུ་མདུན་དུ་ཀུན་དགའ་བར་བྱ་བ་དང་། ཡང་དག་པར་ཆགས་པར་བྱ་བའི་གཏམ་རྣམ་པ།
361b3 མང་པོ་བྱས་ནས་ཕྱོགས་གཅིག་ཏུ་འདུག་གོ།། ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་ཕྱོགས་གཅིག་ཏུ་འདུག་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། བྲམ་ཟེའི་ཁྱེའུ་ཅིངས་རྫི
361b4 ལྟར་ཁྱི་དུང་ལུང་བསྟན་པ་དེ་དེ་བཞིན་དུ་གྱུར་ཏམ། ཀྱེ་གོའུ་ཏ་མ་མེད་དེ། ཇི་ལྟར་གོའུ་ཏ་མ་ཁྱོད་ཀྱིས་ཁྱི་དུང་ལུང་བསྟན་པ་དེ་དེ་བཞིན་ནོ།། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་སྐབས་དབྱེ་བར
361b5 གནང་ན། གོའུ་ཏ་མ་ཁྱོད་ལ་བདག་ཞུ་བ་གཞན་འགའ་ཞིག་ཀྱང་ཞུའོ།། བྲམ་ཟེའི་ཁྱེའུ་ཅི་དང་ཅི་འདོད་པ་དྲིས་ཤིག། ཀྱེ་གོའུ་ཏ་མ་རྒྱུ་གང་དང་རྐྱེན་གང་གིས་འདིར་སེམས་ཅན་ཁ་ཅིག་ཚེ་ཐུང་བ
361b6 དང་། ཚེ་རིང་བ་དང་། ནད་མང་བ་དང་། ནད་ཉུང་བ་དང་། མདོག་སྡུག་པ་དང་། མདོག་མི་སྡུག་པ་དང་། དབང་ཆུང་བར་གྲགས་པ་དང་། དབང་ཆེ་བར་གྲགས་པ་དང་། རིགས་བཙུན་པ་དང
361b7 རིགས་དམའ་བ་དང་། ཚིག་གཟུང་བར་འོས་པ་དང་། ཚིག་གཟུང་བར་མི་འོས་པ་དང་། ལོངས་སྤྱོད་ཆེ་བ་དང་། ལོངས་སྤྱོད་ཆུང་བ་དང་། ཤེས་རབ་འཆལ་པ་དང་། ཤེས་རབ་ཆེན་པོར་གྱུར་པ།
iiif viewer powered by OpenSeadragon
