| e-texts navigator |
| Wylie |
358b1 དེ་ནས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་སླར་ལོག་པ་དང་། ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཅོས། ཁྱི་དུང་ཁྲིའི་འོག་ན་གཏོར་ཁུང་གི་ཝཱ་ལ་འདུག་པ་མཐོང་ངོ་།། མཐོང་ནས་ཀྱང་ནང་མི་ལ
358b2 སྨྲས་པ། ཁྱོད་ཀྱིས་ཁྱི་དུང་འདི་ལ་ཅི་ཞིག་སྨྲས། ཇོ་བོ་བདག་ཅག་གང་གིས་ཀྱང་ཁྱི་དུང་ལ་ཅིའང་མ་སྨྲས་སོ།། དེ་ལྟ་ལགས་མོད་ཀྱི། དགེ་སྦྱོང་གོའུ་ཏ་མ་བྱོན་པར་གྱུར་ཏེ། ཁྱི་དུང་གིས་དགེ།
358b3 སྦྱང་གོའུ་ཏ་མ་སྒོ་དྲུང་ན་བཞུགས་པ་མཐོང་ངོ་།། མཐོང་ནས་ཀྱང་འའུ་ཞེས་ཟུགས་པ་དང་། དགེ་སྦྱོང་གོའུ་ཏ་མས། དེ་ལ་འདི་སྐད་ཅེས་བཀའ་སྩལ་ཏེ། ཁྱི་དུང་ཁྱོད་ཀྱི་ཞེས་བྱ་བ་ལའ
358b4 འུ་ཞེས་ཟུགས་པར་གྱུར་ན་དེས་ཀྱང་མ་དུལ་ལམ། དེ་སྐད་ཅེས་བཀའ་སྩལ་པ་དང་། ཁྱི་དུང་ཁྲོས་འཁྲུགས་ཚིག་པ་ཟོས་ཏེ་ཡི་མ་རངས་ནས། རས་ཀོ་ནི་ཀ་བཏིང་བའི་ཁྲི་ལ་བབས་ཏེ།
358b5 ཁྲིའི་འོག་ན་གཏོར་ཁུང་གི་ཤིང་གི་ཝཱ་ལ་འདུག་གོ།། དེ་ནས་བྲམ་ཟེའི་ཁྱེའུ་ནེ་ཙེ་ཁྲོས་འཁྲུགས་ཚིག་པ་ཟོས་ཏེ་ཡི་མ་རངས་ནས། མཉན་དུ་ཡོད་པ་ནས་བྱུང་སྟེ། རྒྱལ་བྱེད་ཀྱི་ཚལ་མགོན་མེད
358b6 ཟས་སྦྱིན་གྱི་ཀུན་དགའ་ར་བ་ག་ལ་བ་དེར་སོང་ངོ་།། དེའི་ཚེ་བཅོམ་ལྡན་འདས་དགེ་སློང་བརྒྱ་ཕྲག་དུ་མའི་འཁོར་གྱི་མདུན་ན་ཆོས་སྟོན་ཅིང་བཞུགས་ཏེ། བཅོམ་ལྡན་འདས་ཀྱིས་ཏོའུ་ཏེ་ཡའི་བུ།
358b7 བྲམ་ཟེའི་ཁྱེའུ་ནེ་ཙོ་རྒྱང་རིང་པོ་ནས་འོང་བ་གཟིགས་སོ།། གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཀྱི་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་རྒྱང་རིང་པོ་ནས་འོང
iiif viewer powered by OpenSeadragon
