| e-texts navigator |
| Wylie |
357a1 གཉིས་ཀས་གསོད་ནའང་། ཕྱི་མ་ཤོས་མཚམས་མེད་པའི་ལས་དང་ལྡན་པར་འགྱུར་གྱི། སྔ་མ་ཤོས་ནི་མ་ཡིན་ནོ།། སྤུན་དྲུང་གིས་སྤུན་དྲུང་བཏང་སྟེ། སོང
357a2 ལ་མ་སོད་ཅིག། བདག་དང་གཞན་གཉིས་ཀས་སོད་ཅིག་ཅེས་བྱས་ན། དེ་གཉིས་ཀ་མཚམས་མེད་པའི་ལས་དང་ལྡན་པར་འགྱུར་རམ། འོན་ཏེ་མི་འགྱུར་ཞེ་ན། སྨྲས་པ། གལ་ཏེ
357a3 བདག་དང་གཞན་གཉིས་ཀས་བསད་ན་ནི། གཉིས་ཀ་མཚམས་མེད་པའི་ལས་དང་ལྡན་པར་འགྱུར་རོ།། དེ་སྟེ་བདག་ཉིད་ཀྱིས་བསད་དེ། གཞན་གྱིས་མ་བསད་ན་ནི། ཕྱི་མ་ཤེས
357a4 མཚམས་མེད་པའི་ལས་དང་ལྡན་པར་འགྱུར་གྱི། སྔ་མ་ཤོས་ནི་མ་ཡིན་ནོ།། དེ་སྟེ་གཞན་གྱིས་བསད་དེ། གདག་ཉིད་ཀྱིས་མ་བསད་ན་ནི། ཕྱི་མ་ཤོས་མཚམས་མེད་པའི་ལས་དང
357a5 ལྡན་པར་འགྱུར་གྱི། སྔ་མ་ཤོས་ནི་མ་ཡིན་ནོ།། དེ་བཞིན་དུ་མཚོན་ཆ་དང་། མེ་དང་། དུག་དང་། དབྱུག་པས་བསྣུན་པ་ལ་སོགས་པ་ཐབས་རྣམ་པ་སྣ་ཚོགས་ཀྱིས་བསད་པའང་དེ་དང་འདྲ་བར
357a6 བརྗོད་པར་བྱའོ།། སྤུན་དྲུང་གིས་སྤུན་དྲུང་ལ་ཛ་ལྟེ་བ་དེ་བཞིན་དུ་མིང་པོས་སྲིང་མོ་ལ་བསྒོ་བ་དང་། སྲིང་མོས་མིང་པོ་ལ་བསྒོ་བ་དང་། སྤུན་དྲུང་མོས་སྤུན་དྲུང་མོ་ལ་བསྒོ་བ་ཡང་དེ་དང་འདྲའོ།། མཇི
357a7 ལྟ་བ་བཞིན་དུ་པའང་དེ་དང་འདྲའོ།། མར་འདུ་ཤེས་པས་མ་གསད་པར་བྱའོ་སྙམ་སྟེ། ཉེ་དུ་མ་ཡིན་པའི་མེད་བསད་ན། དེ་ཅི་མཚམས་མེད་པའི་ལས་དང་ལྡན་པར་འགྱུར་རམ། འོན་ཏེ་མི་འགྱུར།
iiif viewer powered by OpenSeadragon
