| e-texts navigator |
| Wylie |
353b1 པར་འགྱུར་བར་བྱར་རུང་བའི་གནས་དེ་ལྟ་བུར་བསྒྱུར་དུ་རུང་ངམ། འོན་ཏེ་གནས་དེ་ལྟ་བུར་བསྒྱུར་དུ་མི་རུང་ཞེ་ན། སྨྲས་པ། གནས་དེ་ལྟ་བུར་བསྒྱུར་དུ་རུང་ངོ་།། ལས་གང་ཆུང་ངུ་མྱོང་བར་འགྱུར་བ།
353b2 དེ། བརྩལ་བའི་རྒྱུ་འམ། བརྩོན་པའི་རྒྱུས་རྒྱ་ཆེ་བ་མྱོང་བར་འགྱུར་བར་བྱར་རུང་བའི་གནས་དེ་ལྟ་བུར་བསྒྱུར་དུ་རུང་ངམ། འོན་ཏེ་དེ་ལྟ་བུའི་གནས་སུ་བསྒྱུར་དུ་མི་རུང་ཞེ་ན། སྨྲས་པ། གནས་དེས
353b3 བུར་བསྒྱུར་དུ་རུང་ངོ་།། ལས་གང་རྒྱ་ཆེན་པོ་མྱོང་བར་འགྱུར་བ་དེ། བརྩལ་བའི་རྒྱུ་འམ། བརྩོན་པའི་རྒྱུས་ཆུང་ངུ་མྱོང་བར་འགྱུར་བར་བྱར་རུང་བའི་གནས་དེ་ལྟ་བུར་བསྒྱུར་དུ་རུང་ངམ། འོན་ཏེ།
353b4 གནས་དེ་ལྟ་བུར་བསྒྱུར་དུ་མི་རུང་ཞེ་ན། སྨྲས་པ། གནས་དེ་ལྟ་བུར་བསྒྱུར་དུ་རུང་ངོ་།། ལས་གང་ཡོངས་སུ་མ་སྨིན་པ་དེ། བརྩལ་བའི་རྒྱུའམ། བརྩོན་པའི་རྒྱུས་ཡོངས་སུ་སྨིན་པར་བྱར་རུང་བའི
353b5 གནས་དེ་ལྟ་བུར་བསྒྱུར་དུ་རུང་ངམ། འོན་ཏེ་གནས་དེ་ལྟ་བུར་བསྒྱུར་དུ་མི་རུང་ན་ན། སྨྲས་པ། གནས་དེ་ལྟ་བུར་བསྒྱུར་དུ་མི་རུང་བའང་ཡོད། བསྒྱུར་དུ་རུང་བའང་ཡོད་དེ། དཔེར་ན་འདི་ན་ཁ་ཅིག་ཡོངས
353b6 སུ་མ་སྨིན་པའི་ལས་ཡོངས་སུ་སྨིན་པར་བྱའོ་སྙམ་ནས། རིལ་པ་འཆང་བ་འམ། སྐྲ་འབལ་བ་འམ། ཁི་སྤུ་འབལ་བ་འམ། སྐྲ་དང་ཁ་སྤུ་འབལ་བའམ། ལམ་ངན་པ་དང
353b7 དཀའ་ཐུབ་ངན་པ་རྣམ་པ་སྣ་ཚོགས་ཀྱིས་བདག་ཉིད་ཀུན་ཏུ་གདུང་བར་བྱེད་པ་འདི་ནི་བསྒྱུར་དུ་མི་རུང་བའོ།། བསྒྱུར་དུ་རུང་བ་གང་ཞེ་ན། སྨྲས་པ། དཔེར་ན་འདི་ན་ཁ་ཅིག་ཡོངས་སུ་མ་སྨིན
iiif viewer powered by OpenSeadragon
