| e-texts navigator |
| Wylie |
274a1 བདག་ལ་ཡོད་ཀྱང་ཅི་མ་རུང་སྙམ་སྟེ། བརྣབ་སེམས་མ་སྤངས་པ་ཡིན་ནོ།། གནོད་སེམས་ཀྱིས་སྡང་བར་བྱེད་པ་ནི། ཀྱེ་མ་སེམས་ཅན་འདི་དག་བརྒྱ
274a2 ཀྱང་རུང་ངོ་།། བསད་ཀྱང་རུང་ངོ་།། ཉམས་པར་བྱས་ཀྱང་རུང་ངོ་།། མི་རིགས་པར་ཉོན་མོངས་པར་ཀྱང་རུང་ངོ་སྙམ་པ་ནི་གནོད་སེམས་ཀྱི་སྡང་བ་མ་སྤངས་པ་ཡིན་ནོ།། ལོག་པར་ལྟ་བ
274a3 ནི་ཕྱིན་ཅི་ལོག་ཏུ་ལྟ་ཞིང་འདི་ལྟར་ལྟ་ལ་འདི་སྐད་དུ་སྨྲ་སྟེ། སྦྱིན་པ་མེད་དོ།། མཆོད་སྦྱིན་མེད་དོ།། སྦྱིན་སྲེག་མེད་དོ།། ལེགས་པར་སྤྱད་པ་མེད་དོ།། ཉེས་པར་སྤྱད་པ་མེད་དོ།།
274a4 ལེགས་པར་སྤྱད་པ་དང་། ཉེས་པར་སྤྱད་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་མེད་དོ།། འཇིག་རྟེན་འདི་མེད་དོ།། འཇིག་རྟེན་པོ་རོལ་མེད་དོ།། པ་མེད་དོ།། མ་མེད་དོ།།
274a5 སེམས་ཅན་སྐྱོ་བ་མེད་དོ།། འཇིག་རྟེན་ན་དགྲ་བཅོམ་པ་ཡང་དག་པར་སོང་བ་ཡང་དག་པར་ཞུགས་པ་གང་ཅི་འཇིག་རྟེན་འདི་དང་། འཇིག་རྟེན་ཕ་རོལ་ཚེ་འདི་ཉིད་ལ་བདག་ཉིད་ཀྱིས་མངོན
274a6 པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་ཁོང་དུ་ཆུད་དེ། བདག་ཅག་གི་སྐྱེ་བ་ཟད་དོ།། ཚངས་པར་སྤྱད་པ་བསྟེན་ཏོ།། བྱ་བ་བྱས་སོ།། འདི་ལས་སྲིད་པ་གཞན་མི་ཤེས་སོ
274a7 སྙམ་དུ་སེམས་པ་མེད་དོ་ཞེས་བྱ་བ་ནི་ལོག་པར་ལྟ་བ་མ་སྤངས་པ་ཡིན་ནོ།། དགེ་སློང་དག་དེ་ལྟར་ནི་ཡིད་ཀྱིས་ཆེད་དུ་བྱས་པའི་ལས་རྣམ་པ་གསུམ་བྱས་ཤིང་བསགས་པ་མི་དགེ་བ། སྡུག།
iiif viewer powered by OpenSeadragon
