| e-texts navigator |
| Wylie |
273b1 གཞན་གྱིས་མི་བཟོད་པ་དང་། གཞན་གྱི་ཞེར་འདེབས་པ་དང་། སྐྱེ་བོ་མང་པོའི་སྙིང་དུ་མི་སྡུག་པ་དང་། སྐྱེ་བོ་མང་པོས་གཅེས་པར་མི་བྱ་བ་དང་། སྐྱེ་བོ་མང་པོ་མི་དགའ་བ་དང་། སྐྱེ་བོ་མང་།
273b2 པོའི་ཡིད་དུ་མི་འོང་བ་དང་། མཉམ་པར་གཞག་པ་མ་ཡིན་པ་དང་། ཏིང་ངེ་འཛིན་དུ་གྱུར་པ་མ་ཡིན་པ་གང་ཡིན་པ་རྣམས་ཏེ། དེ་ལྟ་བུའི་ཚིག་རྣམས་སྨྲ་བ་ནི་ཚིག་རྩུབ་པོ་མ་སྤངས་པ་ཡིན་ནོ།།
273b3 ཚིག་འཁྱལ་པ་ནི་དེ་དུས་མ་ཡིན་པར་སྨྲ་བ་དང་། ཡང་དག་པ་མ་ཡིན་པར་སྨྲ་བ་དང་། མི་བདེན་པ་སྨྲ་བ་དང་། ཕན་པ་མ་ཡིན་པ་སྨྲ་བ་དང་། སྐུར་པ་སྨྲ་བ་དང་། ཆོས་མ་ཡིན་པ
273b4 སྨྲ་བ་དང་། གྱ་ཙམ་དུ་སྨྲ་ཞིང་བབ་ཅོལ་གྱི་ཚིག་སྨྲ་བ་དང་། གཏན་ཚིགས་མེད་པ་དང་། སྙེད་མེད་པ་དང་། དོན་དང་མི་ལྡན་པ་དང་། འཆལ་པ་རྣམས་ནི་ཚིག་བཀྱིལ་པ
273b5 མ་སྤངས་པ་ཡིན་ནོ།། དགེ་སློང་དག་དེ་ལྟར་ན་ངག་གིས་ཆེད་དུ་བྱས་པའི་ལས་རྣམ་པ་བཞི་བྱས་ཤིང་བསགས་པ་མི་དགེ་བ། སྡུག་བསྔལ་སྐྱེད་ལ་རྣམ་པར་སྨིན་པ་སྡུག
273b6 བསྔལ་བ་ཡིན་ནོ།། དགེ་སློང་དག་ཡིད་ཀྱིས་ཆེད་དུ་བྱས་པའི་ལས་རྣམ་པ་གསུམ་བྱས་ཤིང་བསགས་པ་མི་དགེ་བ། སྡུག་བསྔལ་སྐྱེད་པ་རྣམ་པར་སྨིན་པ་སྡུག་བསྔལ་བ་ཇི
273b7 ལྟ་བུ་ཞེ་ན། བརྣབ་སེམས་ནི་ཕ་རོལ་གྱི་རྫས་རྣམས་དང་། ཕ་རོལ་གྱི་ནོར་རྣམས་དང་། ཕ་རོལ་གྱི་ཡོ་བྱད་རྣམས་མཐོང་ན་བརྣབ་སེམས་སྐྱེད་པར་བྱེད་དེ། ཀྱེ་མ་འདི་དག
iiif viewer powered by OpenSeadragon
