| e-texts navigator |
| Wylie |
267b1 ཆགས་སུ་མཆིས་པས་འདི་ན་ཅི་སྤྱོད་བྱེད་དེ། སྐྱེ་བ་མི་ལེན་ཞེས་ཟེར་བའང་མ་ཡིན་ནོ།། ཚེ་འདིའི་རྣམ་ཤེས་མ་འགགས་པར་རྣམ་ཤེས་པས་སྐྱེ་བ་ལེན་ཞེས་ཟེར་བའང་མ་ཡིན་ནོ།།
267b2 འདི་དང་ཕ་རོལ་གཉིས་ཀར་ཕུང་པོ་དུས་གཅིག་ཡོད་ཅེས་ཟེར་བའང་མ་ཡིན་ནོ།། གྲུམ་པོ་ལས་གྲུམ་པོར་སྐྱེ། དཀར་པོ་ལས་དཀར་པོར་སྐྱེ་ཞེས་བྱ་བ་ལ་སོགས་པའང་མ་ཡིན་ནོ།།
267b3 ལྷ་ཚེ་འཕོས་པའང་ལྷར་སྐྱེའོ་ཞེས་ཟེར་བའང་མ་ཡིན་ནོ།། དགེ་བ་དང་། ངན་སོང་དང་། མི་དགེ་བས་མཐོ་རིས་འགྲུབ་ཟེར་བའང་མ་ཡིན་ནོ།། ཤེས་པ་གཅིག་ལས་མང
267b4 པ་འཕེལ་བའང་མ་ཡིན་ནོ།། དགེ་བ་མ་བྱས་ཀྱང་ལྷར་སྐྱེ་བ་དང་། མི་དགེ་བ་མ་བྱས་ཀྱང་ངན་སོང་དུ་སྐྱེ་བའང་མ་ཡིན་ནོ།། སྐྱེ་བ་ནི་བྱེད་པ་པོས་བྱས་པའང་མ་ཡིན་ནོ།། དེ་དག
267b5 ཅིའི་ཕྱིར་མ་ཡིན་ཞེས་ཁ་ཏོན་གྱི་དཔེ་ལ་གང་དག་གིས་རྣམ་པར་ཤེས་པར་ཤེས་པ་འདི་མ་འགགོས་པར་ཕ་རོལ་ཏུ་སྐྱེ་བ་ལེར་ནོ་ཞེས་ཟེར་བའི་སྐྱོན་བསལ་བའི་ཕྱིར་ས་བོན་གྱི་དཔེ
267b6 བསྟན་ཏེ། ས་བོན་དེ་མ་རུལ་བར་མྱུ་གུ་སྐྱེ་ན་ནི། བདག་ཏུ་སྨྲ་བ་དག་བདེན་ན། ས་བོན་དེ་རུལ་ནས་སྔ་མ་ལས་གྱུར་ཏེ། མི་འདྲ་བར་གྱུར་པ་ལས་མྱུ་གུ་སྐྱེའོ།། མར་མེའི
267b7 དཔེ་ལ་གང་གིས་མར་མེ་གཅིག་ལས་གཙོག་སྤར་ན་གཉིས་ཀ་ཡོད་པས། འདི་དང་ཕ་རོལ་གཉིས་ཀར་ཕུང་པོ་དུས་གཅིག་ཡོད་དོ་ཞེས་ཟེར་བའི་སྐྱོན་བསལ་བའི་ཕྱིར་སྒྲའི་དཔེ
iiif viewer powered by OpenSeadragon
