| e-texts navigator |
| Wylie |
267a1 ཤེས་པ་གཅིག་ལས་མང་པོར་འཕེལ་ལོ་ཞེས་ཟེར་བ་དག་དགག་པའི་ཕྱིར་དཔེ་ལྷག་མ་རྣམས་བསྟན་ཏོ།། སྐྱུར་གྱི་དཔེ་ནི་མྱོང་བའི་དཔེ་ཡིན་པས་ལྷའི་ལོ་རྒྱུས
267a2 ཡོད་པ་དག་དགེ་བའི་བསོད་ནམས་མ་བྱས་ཀྱང་ལྷར་སྐྱེའོ།། ངན་སོང་གི་ལོ་རྒྱུས་ཡོད་པ་དག་ལ་མི་དགེ་བ་མ་བྱས་ཀྱང་ངན་སོང་དུ་སྐྱེའོ་ཞེས་ཟེར་བ་དག་དགག་པའི་ཕྱིར་དཔེ་ལྷག
267a3 མ་རྣམས་བསྟན་ཏོ།། སྒྲའི་དཔེ་ནི་བྱེད་པ་པོའི་དཔེ་ཡིན་པས་རྒྱུ་རྐྱེན་ལས་མ་བྱུང་ངོ་ཞེས་ཟེར་བ་དག་དགག་པའི་ཕྱིར་དཔེ་ལྷག་མ་རྣམས་བསྟན་ཏོ།། དེའི་ཕྱིར་དཔེ་བརྒྱད་བསྟན་ཏོ།།
267a4 ཀྱེ་རྒྱལ་པོ་ཆེན་པོ་ཆེ་ཞིག་སྟེ་ཕ་རོལ་ཏུ་སྐྱེ་བ་མེད་དེ། ཆད་པ་དང་འགག་པའང་མ་ཡིན་ནོ།། ཚེ་འདི་དང་དངོས་པོ་རྟག་པ་མ་ཉམས་པར་ཕ་རོལ་ཏུ་འཕོ་བའང་མ་ཡིན་ནོ།། ཚེ་འདི་ལ
267a5 མ་རྟེན་པར་ཕ་རོལ་ཏུ་སྐྱེ་བ་ལེན་པའང་མ་ཡིན་ནོ།། བདག་གིས་སྐྱེ་བ་འདི་བླང་ངོ་ཞེས་པ་སམས་པས་ཀྱང་སྐྱེ་བ་མི་ལེན་ནོ།། བདག་གིས་དབང་ཕྱུག་ཆེན་པོ་ལ་སོགས་པ་ལ་བསྟེན་ཏེ
267a6 མཐོ་རིས་སུ་སྐྱེ་བར་བྱའོ་སྙམ་པས་ཀྱང་མ་ཡིན་ནོ།། བདག་མཐོ་རིས་དང་ངན་སོང་གར་འདོད་པར་སྐྱེ་བར་བྱའོ་སྙམ་པས་ཀྱང་མ་ཡིན་ནོ།། ཅིའང་མ་བྱས་ཏེ་རྒྱུ་རྐྱེན་ལ་བརྟེན་མི
267a7 དགོས་པར་སྐྱེའོ་སྙམ་པས་ཀྱང་མ་ཡིན་ནོ།། ཕུང་པོ་འདི་ཞིག་སྟེ་ཤི་ནས་ཅིའང་མེད་དོ་ཞེས་སྨྲ་བའོང་མ་ཡིན་ནོ།། འདིར་ཚེ་འཕོས་ནས་ཕ་རོལ་ན་གཤིན་གྱི་ཁམས་སུ་མུ
iiif viewer powered by OpenSeadragon
