| e-texts navigator |
| Wylie |
265a1 མི་དགེ་བ་དག་བགྱིས་པས། དེའི་རྣམ་པར་སྨིན་པ་མི་བཟད་པ་མྱོང་བར་འགྱུར་བ་དག་གིས་ཇི་ལྟར་བགྱིས་ན་བདེ་བ་ཐོབ་པར་འགྱུར་བ་བཤད་དུ་གསོལ། བཅོམ་ལྡན
265a2 འདས་ཀྱིས་བཀའ་སྩལ་པ། ཀྱེ་རྒྱལ་པོ་ཆེན་པོ་སེམས་ཅན་གང་དག་གིས་མཚམས་མེད་པ་ལ་སོགས་པའི་ལས་མི་དགེ་བ་བྱས་པ་དག་གིས་སྒྱུ་མེད་པའི་སེམས་དང་། རྣམ་པར་སྨིན་པ།
265a3 ལ་ཡིད་ཆེས་པར་བྱས་ཏེ། སེམས་ཐག་པ་ནས་བཤགས་ན་འབྱུང་བར་འགྱུར་རོ།། འཆི་བའི་ཚེ་མི་དགེ་བ་སྔར་བྱས་པ་དག་ལ་འགྱོད་པ་བསྐྱེད་དེ། སངས་རྒྱས་དང་བྱང་ཆུབ་སེམས
265a4 དཔའ་ཐམས་ཅད་ལ་ཕྱག་འཚལ་ཞིང་སྐྱབས་སུ་གསོལ་ན་སྡིག་པ་འབྱུང་བར་འགྱུར་རོ།། མཐོ་རིས་སུའང་སྐྱེ་བར་འགྱུར་རོ།། ཚེ་ཕྱི་མ་མེད་པའི་འདུ་ཤེས་བསྐྱེད་པར་མི་བྱའོ།། སྐྱེ་བ
265a5 ལེན་པ་ནི་དབང་ཕྱུག་དང་། འདོད་རྒྱལ་དང་། གྱི་ན་ལ་སོགས་པ་དག་གིས་བྱེད་པར་མི་བལྟའོ།། འཇིག་རྟེན་གྱི་བདེ་བ་དང་འཁོར་བ་ཐམས་ཅད་ལ་ཆགས་པར་མི་བྱའོ།། ཀྱེ་རྒྱལ་པོ
265a6 ཆེན་པོ་འཇིག་རྟེན་འདི་ནས་ཕ་རོལ་ཏུ་འཕོ་སྟེ། སྐྱེ་བ་ལེན་པ་ན་རྟག་པ་འཕོ་བའང་མ་ཡིན་ནོ།། ཆད་པ་འགགས་ཏེ་མེད་པའང་མ་ཡིན་ནོ།། རྒྱུ་མེད་པའང་མ་ཡིན་ནོ།། རྒྱུ་མེད་པ་ལས།།
265a7 བྱུང་བའང་མ་ཡིན་ནོ།། བྱེད་པ་པོས་བྱས་པའང་མ་ཡིན་ཏེ། ལས་དང་ཉོན་མོངས་པ་རྒྱུ་རྐྱེན་ཚོགས་པ་ལས་སྐྱེ་བར་བལྟའོ།། རྒྱལ་པོ་ཆེན་པོས་གསོལ་པ། བཅོམ་ལྡན་འདས
iiif viewer powered by OpenSeadragon
