| e-texts navigator |
| Wylie |
255b1 ཀྱང་བསགས། བཟའ་བ་དང་བཏུང་བ་རོ་ཞིམ་པོ་མངར་བ་སྣ་ཚོགས་པོ་ཡང་བསགས་ཏེ། སྨྲེ་སྔགས་འདོན་ཅིང་དགའ་སྐྱེས་ལ་གསོལ་ལོ་ཞེས་མཆོད་པ་བྱེད་པ་དང་། རྒྱལ་པོ
255b2 ཟས་གཙང་མས་བསམས་པ། ཇི་ལྟར་ཚེ་འཕོས་པ་མཆོད་ཅིང་གསོལ་བ་དང་། རྗེད་པ་ནི་བྲམ་ཟེ་དག་གི་སྨང་ལས་ཟེར་ན། འདི་དག་ལ་སྨན་པ་དང་། བདེ་བ་ཅི་ཡོད་པ་བཅོམ
255b3 ལྡན་འདས་ལ་དྲིའོ་སྙམ་ནས། བཅོམ་ལྡན་འདས་ཀྱི་དྲུང་དུ་སོང་ནས་ཕྱག་འཚལ་ཏེ། འདི་སྐད་ཅེས་གསོལ་ཏོ།། བཅོམ་ལྡན་འདས་སེམས་ཅན་ཚེ་འཕོས་པ་ཇི་ལྟར་འགྱུར
255b4 བའི་དོན་ཞུ་བར་འཚལ་ན། སྐབས་དབྱེ་བར་ཅི་ག་ནང་། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཀྱེ་རྒྱལ་པོ་ཆེན་པོ་ཅི་དང་ཅི་བཞེད་པ་ཞུས་ཤིག་དང
255b5 རྒྱལ་པོ་ཆེན་པོའི་སེམས་རངས་པར་ཤད་པར་བྱའོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། རྒྱལ་པོ་ཆེན་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་འཇིག
255b6 རྟེན་འདི་ནས་ཚེ་ཕ་རོལ་ཏུ་འཕོས་པའི་སེམས་ཅན་རྣམས་ཕ་རོལ་ཏུ་སྐྱེ་བ་དེ། ལྷ་རྣམས་ཀྱང་ལྷར་སྐྱེའམ། དེ་བཞིན་དུ་མི་དང་། དུད་འགྲོ་དང་། ཡི་དགས་དང་། དམྱལ་བ་རྣམས
255b7 ཀྱང་། མི་དང་། དུད་འགྲོ་དང་། ཡི་དགས་དང་། དམྱལ་བ་རྣམས་སུ་ཚེ་འཕོས་པ་རིགས་མི་འདྲེས་པར་སོ་སོར་སྐྱེའམ། བཅོམ་ལྡན་འདས་གཞན་ཡང་ལྷ་རྣམས་ཚེ་འཕོས་པ་མི
iiif viewer powered by OpenSeadragon
