| e-texts navigator |
| Wylie |
320b1 གང་གི་ཚེ་སངས་རྒྱས་བཅོམ་ལྡན་འདས་ཀྱིས། སངས་རྒྱས་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་དང་། ལྷ་ཐམས་ཅད་དང་། འཁོར་ཐམས་ཅད་ལ་མདོ་འདི་དང
320b2 ལི་ཡུལ་དང་། གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད་པའི་འོད་གཏད་པ་དེའི་ཚེ། སངས་རྒྱས་བཅོམ་ལྡན་འདས་ཤཱཀྱ་ཐུབ་པའི་སྟེང་དུ་ལྷའི་མེ་ཏོག་གི་ཆར་བབ་བོ།། ལྷ་རྣམས་ཀྱིས་ལྷའི
320b3 རོལ་མོའི་སྒྲ་བསྒྲགས་སོ།། ལྷའི་རྒྱན་གྱི་ཆར་ཡང་བབ་བོ།། དེ་བཞིན་དུ་འཁོར་དེ་དག་ཐམས་ཅད་ཀྱིས་ཀྱང་བཅོམ་ལྡན་འདས་ཇི་ལྟར་འོས་པའི་མཆོད་པས་བཅོམ་ལྡན་འདས་ལ་མཆོད་པར
320b4 བྱས་སོ།། སངས་རྒྱས་བཅོམ་ལྡན་འདས་དེ་དག་གིས་ཀྱང་མི་མཇེད་ཀྱི་འཇིག་རྟེན་གྱི་ཁམས་འདིར་འོད་ཟེར་ཤིན་ཏུ་མང་པོ་བཏང་ངོ་།། མི་མཇེད་ཀྱི་འཇིག་རྟེན་གྱི་ཁམས་འདི་ན་གནས་པའི
320b5 སེམས་ཅན་རྣམས་ཀྱིས་ཀྱང་སངས་རྒྱས་བཅོམ་ལྡན་འདས་དེ་དག་འཁོར་གྱི་དཀྱིལ་འཁོར་དང་བཅས་པ་མཐོང་ངོ་།། དེ་ན་གནས་པ་རྣམས་ཀྱིས་ཀྱང་དེ་བཞིན་གཤེགས་པ་ཤཱཀྱ་ཐུབ་པ་འཁོར
320b6 དང་བཅས་པ་དང་། མི་མཇེད་ཀྱི་འཇིག་རྟེན་གྱི་ཁམས་མཐོང་སྟེ། འཁོར་ཐམས་ཅད་དང་། ལྷ་དང་། མི་རྣམས་གཅིག་གིས་གཅིག་མཐོང་བར་གྱུར་ཏོ།། དེ་ནས་དེའི་ཚེ་དགེ་སློང་ཀུན་དགའ་བོ
320b7 སྟན་ལས་ལངས་ཏེ་ཐལ་མོ་སྦྱར་ནས། བཅོམ་ལྡན་འདས་ལ་ཞུས་པ། བཅོམ་ལྡན་འདས་མ་འོངས་པའི་དུས་ན། སུ་ལ་ལ་མདོ་འདི་ཀློག་པ་དང་། སེམས་པ་དང་། ཉན་པ་དང་། ཀུན་ཆུབ
iiif viewer powered by OpenSeadragon
