| e-texts navigator |
| Wylie |
319b1 དང་། སའི་སྙིང་པོ་དང་། བྱམས་པ་དང་། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ།། སྔོན་འདིའི་ཕུ་ནུ་བོ་དང་གྲོགས་སུ་གྱུར
319b2 པ་དང་། རྟག་ཏུ་འགྲོགས་འགྲོགས་པ་ནི་འདི་དག་ཡིན་ཏེ། སྣ་ཚོགས་ཀྱི་ལྷ་དང་། དབང་ཕྱུག་གི་ལྷ་དང་། ལྗོན་ཤིང་གི་དབང་ཕྱུག་རྒྱལ་པོ་དང་། སྙིང་རྗེའི་དབང་ཕྱུག་དང་།
319b3 གཟུངས་ཀྱི་དབང་ཕྱུག་དང་། སྤོང་བའི་དབང་ཕྱུག་དང་། འོད་ཀྱི་དབང་ཕྱུག་དང་། དྲིའི་དབང་ཕྱུག་དང་། ཚོགས་ཀྱི་དབང་ཕྱུག་དང་། འཇིག་རྟེན་གྱི་དབང་ཕྱུག་དང་། འོད
319b4 གསལ་དང་། རིགས་ཀྱི་དབང་ཕྱུག་རྣམ་སོ།། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་ཀུན་ཏུ་བཟང་པོ་ལ་སོགས་པ་བྱང་ཆུབ་སེམས་དཔའ་དེ་དག་ཐམས་ཅད་ལ
319b5 བོས་ཏེ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་དག་ཁྱེད་ངའི་ཐེག་པ་ཆེན་པོའི་མདོ་འདི་དང་། གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད་པའི་འོད་ཡོངས་སུ་ཟུང་ཞིག། དེ་ནས
319b6 གསང་བའི་བདག་པོ་ལག་ན་རྡོ་རྗེ་ལ་བོས་ཏེ་འདི་སྐད་ཅེས་བཀའ་སྩལ་ཏོ།། ཁྱོད་རྟག་ཏུ་ངའི་ཕྱི་བཞིན་དུ་འབྲང་བ་ཡིན་གྱིས། མདོ་འདི་དང་། གཞོན་ནུ་རྡོ་རྗེ་སྡེ་དང་། ལྷ་མོ་དྲི་མ་མེད
319b7 པའི་འོད་ཁྱོད་ལ་གཏད་དོ།། གནོད་སྦྱིན་དབང་པོ་རྣམ་ཐོས་ཀྱི་བུ་དང་། གནོད་སྦྱིན་ཀུན་ཏུ་རྒྱལ་བ་དང་། ལྷའི་བུ་བློ་གྲོས་བརྟན་པ་དང་། ཀླུའི་རྒྱལ་པོ་མ་དྲོས་པ་དང་། འཕྲོག་མ་བུ
iiif viewer powered by OpenSeadragon
