| e-texts navigator |
| Wylie |
288a1 དཔག་ཏུ་མེད། དགེ་བའི་ལས་བྱས་པ་ཡང་གྲངས་མེད་དཔག་ཏུ་མེད་དེ། དེ་བས་ན་མདོ་སྡེ་འདི་དགེ་སློང་དང་བྲམ་ཟེ་ལ་སོགས་པ་ལ་རྒྱས་པར་སྟོན
288a2 ཅིག། བྱང་ཆུབ་སེམས་དཔའ་སེམས་དཔའ་ཆེན་པོས་སྦྱིན་པ་བྱས་པའི་སྦྱིན་པའི་ཕ་རོལ་ཏུ་ཕྱིན་པ་འདི་ལྟ་བུ་དག་ཡིན་ནོ།། འཕགས་པ་རྒྱལ་བུ་དོན་གྲུབ་ཀྱི་མདོ་ཞེས་བྱ་བའི་བམ་པོ།
288a3 གཅིག་རྫོགས་སོ།། ། སྔོན་རྒྱ་ལས་འགྱུར་བའི་བརྡ་རྙིང་པར་འདུག། བོད་སྐད་དུ། འཕགས་པ་རྒྱལ
288a4 དུ་ཀུན་ཏུ་དགེ་ཞེས་བྱ་བ་ཐེག་པ་ཆེན་པོའི་མདོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན
288a5 འདས་ཤཱཀྱ་ཐུབ་པ་ནི། སྔོན་ཡུལ་དབུས་འགྱུར་ཚལ་གྱི་རྒྱལ་པོ་ཤིང་རྟ་བཅུ་པའི་སྲས་རྒྱལ་བུ་ཀུན་ཏུ་དགེ་ཞེས་བྱ་བ་ཞིག་ཏུ་སྐྱེས་པའི་ཚེ། སྐྱེ་བོ་ཡོངས་ཀྱིས་ཀྱང་བཀུར་བར་གྱུར
288a6 ཏོ།། འབོང་རྩལ་དང་། ཡིག་རྩིས་དང་། བཟོ་དང་། སྨན་དཔྱད་དང་། རིག་པའོ་གནས་ལྔ་ལ་མཁས་ཤིང་གསལ་བ་ཅིག་སྐྱེས་པའི་ཚེ། རྒྱལ་པོས་སྲས་ལ་བསྟོད་པ་ནི། རིགས་དང
288a7 གཟུགས་བྱེད་མཛངས་དང་ལྡན་ཤེས་གསལ་མཁས་ཤིང་སྤྱོད་ལམ་མཛེས།། ཤེས་ལྟར་གསལ་བའི་ས་གཞི་ལ།། ཟླ་བའི་འོད་ཟེར་ཤར་བ་འདྲ།། ཉིད་སྐྱོན་མུན་པས་མི
iiif viewer powered by OpenSeadragon
