| e-texts navigator |
| Wylie |
285b1 གཉིས་ཀྱི་མགོ་ནས་བྱུགས་ཏེ། འདི་སྐད་ཅེས་སྨྲས་སོ།། ཁྱེད་རི་ལ་གནས་པ་ན། ཟས་སུ་ནི་ཅི་ཟ། གོས་སུ་ནི་ཅི་གྱོན་ཅེས་དྲིས་ན། བུ་གཉིས་ན་རེ་ཟས་སུ་ནི་ཤིང་གི་འབྲས་བུ་ཤིང
285b2 ཐོག་ཟ། གོས་སུ་ནི་པགས་པ་དང་སྣམ་བུ་གྱོན་ཏེ། བྱ་མང་པོ་དང་རྩེ་དགའ་བས། མྱ་ངན་གྱི་སེམས་མེད་དོ་ཞེས་གསོལ་ཏོ།། དེ་ནས་རྒྱལ་པོས་བྲམ་ཟེ་དེ་ལ་ཕྱི་རོལ་དུ་སོང་ཞིག་ཅེས་བསྒོ་བ
285b3 དང་། བུ་གཉིས་ཀྱིས། རྒྱལ་པོ་ལ་འདི་སྐད་ཅེས་གསོལ་ཏོ།། བྲམ་ཟེ་འདི་རབ་ཏུ་བཀྲེས་སྐོམ་གྱིས་ཉེན་ན། དེ་ལ་ཁ་ཟས་ཀྱིས་ཚིམ་པར་མཛད་དུ་གསོལ་ལོ།། རྒྱལ་པོས་སྨྲས་པ།
285b4 ཁྱེད་ལ་མི་དགའ་བ་འམ། ཁོན་དུ་འཛིན་པ་མེད་པར། ཕྱིར་ཁ་ཟས་སྦྱིན་པར་སེམས་བུས་སྨྲས་པ། བདག་གི་ཕ་བྱང་ཆུབ་ཀྱི་ལམ་ལ་དགའ་བས། ནོར་རྫས་ཀྱིས་སྦྱིན་དུ་མེད་དེ
285b5 བདག་གི་ལུས་ཀྱིས་སློང་བ་ལ་བྱིན་པའང་བདག་ཅག་ལ་དབང་བའི་བདག་པོ་ལགས་ཏེ། འདིས་བདག་ཅག་ལ་བཀོལ་བའི་ལས་ཙམ་བྱེད་དུ་མ་བཅུག་པའང་། ཐོག་མ་ཕས་བསམས་པ་ལྟར་མ་གྱུར
285b6 ཏེ། དེ་སྙིང་རྗེའི་སེམས་ཙམ་ཡང་མ་མཆིས་ཏེ། ལྟོགས་ཤིང་སྐོམ་པ་བཞིན་དུ་འདུག་པ་འདི་མིག་གིས་ཀྱང་སུ་ཞིག་གིས་བཟོད། བདག་གི་པས་ནི་བུའང་མི་འཕངས་པར་ཕ་རོལ་པོ་ལ་སྦྱིན
285b7 བསྐྱེད་ན། རྒྱལ་པོ་ཆེན་པོས་མི་གཅིག་གི་ཁ་ཟས་ཙམ་ལ་སེར་སྣ་མཛད་དམ་ཞེས་གསོལ་པ་དང་། རྒྱལ་པོས་ཀྱང་བྲམ་ཟེ་དེ་ལ་ཁ་ཟས་ཀྱིས་ཚིམ་པར་བྱིན་ནས། བྲམ་ཟེའང་རབ་ཏུ
iiif viewer powered by OpenSeadragon
