| e-texts navigator |
| Wylie |
285a1 བུ་ཁྱེའུས་གསོལ་བ། ཕོ་བྲང་གི་སླས་ལྟ་བུ་རྒྱལ་པོ་དང་ཉེ་བ་མ་ལགས་ལ། མ་རབས་བྲན་ལས་སླས་སུ་བཞེས་ཏེ། དེ་ལ་ཐུགས་དགྱེས་པས། བཀུར་ཞིང
285a2 བཙུན་པར་མཛད་དེ། རིན་པོ་ཆེའི་གོས་སྐོན་ཞིང་བཟའ་བ་དང་བཏུང་བ་རོ་བརྒྱ་དང་ལྡན་པ་བསྟབས་ནས། སྲས་གཅིག་པུ་ཞིག་མངའ་བ་རི་ལ་སྤངས་ཏེ། ཡ་བ་ཅན་ཕོ་བྲང་གི་སླས་དང་རོལ
285a3 ཅིང་། རོལ་མོ་མཛད་ཀྱང་སྲས་ལ་ཅུང་ཟད་ཙམ་ཡང་དགོངས་པའི་ཐུགས་ཀྱང་མ་མངའ་བས་དེ་བས་ན་བུ་པོ་ནི་རིན་ཆུང་ལ་བུ་མོ་ནི་རིན་ཆེ་བར་མངོན་ནོ།། རྒྱལ་པོས་དེ་སྐད་ཅེས
285a4 སྨྲས་པ་ཐོས་ནས། ལྷག་པར་མི་དགའ་བའི་མྱ་ངན་སྐྱེས་ཏེ་འདི་སྐད་དུ་བདག་ནི་རབ་ཏུ་གནོང་ན། ཁྱེད་ཅིའི་ཕྱིར་ཁོ་བོའི་ཕང་དུ་མི་འོང་། ཁྱེད་ང་ལ་མི་དགའ་འམ། འོན་ཏེ་བྲམ་ཟེས
285a5 འཇིས་ཞེས་དྲིས་ན། བྱིས་པ་ན་རེ། བདག་ཅག་ནི་རྒྱལ་པོ་ཆེན་པོ་ལ་མི་དགའ་བའམ་བྲམ་ཟེས་སྐྲག་པའང་མ་ལགས་ན། ཐོག་མ་རྒྱལ་པོ་ཆེན་པོའི་ཚ་བོ་ལས་ད་ལྟར་མིའི་བྲན་ཁོལ་དུ
285a6 གྱུར་པས། གང་ནའང་མིའི་བྲན་ཁོལ་རྒྱལ་པོའི་ཕང་དུ་འདུག་པའི་ཆོས་མེད་པས་མི་སྤོབས་སོ།། རྒྱལ་པོས་དེ་སྐད་ཅེས་སྨྲས་པ་ཐོས་ནས། ལྷག་པར་མྱ་ངན་གྱིས་གདུངས་པར་གྱུར་ཏེ།
285a7 མི་དགའ་བར་གྱུར་ནས། བུས་གསོལ་བ་བཞིན་དུ་བྲམ་ཟེ་ལ་རིན་བྱིན་ཅིག་ཅེས་བསྒོ་ནས་བུ་གཉིས་གདོད་རྒྱལ་པོའི་ཕང་དུ་བླངས་སོ།། བུ་གཉིས་རྒྱལ་པོས་བླངས་ནས་། ཕྱག་གིས་བུ
iiif viewer powered by OpenSeadragon
