| e-texts navigator |
| Wylie |
284b1 ཆེན་པོ་ལ་གསོལ་ན། རྒྱལ་པོ་ཆེན་པོ་ཉིད་ཀྱིས་རིན་གྱིས་སླུ་བར་འགྱུར་རོ་ཞེས་བྱས་པ་དང་། ཐོས་སྔ་མ་བཏང་ནས། བློན་པོ་རྣམས་ཀྱིས་རྒྱལ་པོ་ལ་འདི་སྐད་ཅེས་གསོལ་ཏོ།།
284b2 རྒྱལ་པོ་ཆེན་པོའི་དཔོན་པོ་གཉིས་ད་ལྟར་བྲམ་ཟེ་ཞིག་འཚོང་ཞིང་མཆིས་ཞེས་གསོལ་པ་དང་། རྒྱལ་པོས་ཚིག་ཐོས་མ་ཐག་ཏུ་ཆེར་དངངས་ཏེ་བྲམ་ཟེ་དང་བུ་གཉིས་ཕོ་བྲང་ནང་དུ་ཁྲིད་དེ
284b3 ཤོག་ཅིག་ཅེས་བསྒོ་ནས། བུ་གཉིས་པོ་བྲམ་ཟེ་ནང་དུ་འོངས་པའི་ཚེ། རྒྱལ་པོ་དང་། བཙུན་མོ་དང་། ཕོ་བྲང་གི་སྐྱེས་དང་། བློན་པོ་རྣམས་ཀྱིས་བུ་གཉིས་མཐོང་ནས། ཐམས་ཅད
284b4 དབུགས་ཀྱིས་བརྣངས་པ་ཙམ་དུ་མ་ངུས་པ་མེད་དོ།། དེ་ནས་རྒྱལ་པོས་བྲམ་ཟེ་དེ་ལ་ཁྱོད་ཀྱིས་བུ་འདི་གཉིས་ཇི་ལྟར་ཐོབ་ཅེས་དྲིས་ནས་བྲམ་ཟེ་ན་རེ། བདག་གིས་རྒྱལ་བུ་ལ་བསླངས
284b5 ཏེ་ཐོབ་བོ་ཞེས་ཟེར་རོ།། རྒྱལ་པོས་བྱིས་པ་གཉིས་འོང་བོས་ཏེ། ཕང་པར་བླང་སྙམ་པ་ལས་བུ་གཉིས་འོང་དུ་མ་བཏུབ་བོ།། དེ་ནས་རྒྱལ་པོས་བུ་འདི་གཉིས་རིན་ཇི་ཙམ་འདོད་ཅེས་དྲིས
284b6 ནབྲམ་ཟེས་སྨྲ་མ་འོམ་པར་ཁྱེའུས་འདི་སྐད་ཅེས་གསོལ་ཏོ།། བདག་བུ་ཕོ་ནི་དངུལ་གྱི་དོང་ཙེ་སྟོང་དང་བ་གླང་ཞིག་རིའོ།། བུ་མོ་ནི་གསེར་གྱི་དྲོང་ཅེ་སྤོང་དང་བྲ་བཞོན་ཉིས་བརྒྱ་རིའོ་ཞེས་གསོལ
284b7 བ་དང་། རྒྱལ་བས། ཁྱེའུ་ལ་འདི་སྐད་ཅེས་སྨྲས་སོ།། འཇིག་རྟེན་གྱི་ཆོས་ཀྱིས་མིའི་ནང་ན་པོ་ནི་རིན་པོ་ཆེ་དབྱིག་ལྟར་རིན་ཆེ་བ་ཡིན་ན། ཅིའི་ཕྱིར་བུ་པོ་ནི་རིན་ཆུང་། བུ་མོ་ནི་རིན་ཆེ་བར་འདེངས
iiif viewer powered by OpenSeadragon
