| e-texts navigator |
| Wylie |
284a1 བཀོལ་དུ་རླུང་བཁྲི་ཤོག་ཅིག་ཅེས་བསྒོ་བདུང་། ཁྱིམ་ཐབ་ཀྱང་ཆུང་མས་བསྒོ་བ་བཞིན་ཚོངས་དུས་སུ་སོང་བ་ལས། བརྒྱ་བྱིན་ཁྭའི་དབང་པོ་སྤྲུལ་ཏོ།། ཅོང་དུས་སུ།
284a2 འོངས་ནས། བྲམ་ཟེ་དེ་ལ་བྱིས་པ་འདི་ནི་ཤིན་ཏུ་རིན་ཆེ་བས། སུའང་ཉོ་མི་ནུས་སོ་ཞེས་སྨྲས་སོ།། བྱིས་པ་དེ་གཉིས་བཀྲེས་ཤིང་སྐོམ་པ་ལས། བརྒྱ་བྱིན་གྱིས་ལྷའི་རྫུ་འཕྲུལ་གྱིས་ལྷའི་དྲི་བསུང
284a3 སྤྲུལ་ཏེ། བྱིས་པ་གཉིས་ཀྱི་བ་སྤུའི་ལུང་བུ་ནས་ལྟོ་འགྲངས་པར་བྱས་ཏེ། བརྒྱ་བྱིན་གྱིས་བྲམ་ཟེའི་སེམས་ཀྱང་བསྒྱུར་ནས། ཡུལ་ཡ་བར་ཕྱིན་པར་བྱས་སོ།། ཡུལ་དེའི་བློན་པོ་དང་ཡུལ
284a4 མི་ཐམས་ཅད་ཀྱིས་རྒྱལ་བུའི་སྲས། རྒྱལ་པོ་ཆེན་པོའི་ཚ་བོ་ཡིན་པར་མི་ཤེས་པ་མེད་པས། ཡུལ་མི་ཐམས་ཅད་མྱ་ངན་གྱིས་གདུངས་ཏེ། བློན་པོ་ལ་སོགས་པས་བུ་འདི་གཉིས་ག་ལས་འོངས
284a5 ཞེས་དྲིས་པ་དང་། བྲམ་ཟེ་ན་རེ། བདག་གིས་བསླངས་ཏེ་འོངས་པ་ལ། ཁྱེད་ཀྱིས་དྲིར་ཅི་ཡོད་ཅེས་སྨྲས་སོ།། བློན་པོ་རྣམས་ཀྱིས་སྨྲས་པབདག་ཅག་གིས་ཡུལ་དུ་འོངས་པས་ན
284a6 བདག་ཅག་གིས་འདྲི་བར་རིགས་ཀྱི། མི་འདྲི་བ་མ་ཡིན་ནོ་ཞེས་བློན་པོ་དང་ཡུལ་མི་རྣམས་ཀྱིས་བགྲོས་ཏེ། བྲམ་ཟེ་ལས་བུ་གཉིས་དབྲོག་པར་བྱས་པ་ལས། དེའི་ནང་ནས་ཁྱིམ་བདག
284a7 གིས་འདི་སྐད་ཅེས་གྲོས་བཏབའོ།། འདི་ན་རྒྱལ་བུས་སྦྱིན་པར་བསམས་ཏེ། སྦྱིན་པ་འདི་ལ་རྒྱལ་བུས་བསམས་པའི་ཡིད་དང་འགལ་ཞིང་དབྲོག་པར་མི་རིགས་ཀྱིཉོས་ན་རྒྱལ་པོ
iiif viewer powered by OpenSeadragon
