| e-texts navigator |
| Wylie |
283a1 ཀྱིས་བསྟོད་ཅིང་བསྔགས་ཏེ། གནམ་སའང་ཆེར་གཡོས་སོ།། དེ་ནས་བྲམ་ཟེས་བཙུན་མོ་ཁྲིད་དེ། གོམ་པ་བདུན་ཙམ་དུ་ཕྱིན་པ་དང་། ཕྱིར་ལོག་ནས་བཙུན་མོ
283a2 འདི་རྒྱལ་བུ་ལ་ཕྱིར་གདམས་ཀྱིས། སུ་ལའང་མ་བྱིན་ཅིག་ཅེས་སྨྲས་སོ།། རྒྱལ་བུས་སླར་སྨྲས་པ། ཅིའི་ཕྱིར་མི་ཁྲིད་མི་འདོད་དམ། ཅི་མིར་སྐྱེས་པའི་རླུང་མའི་ནང་ན། ཆུང་མ་འདི་ནི་ཤིན
283a3 ཏུ་འང་བཟང་ཞིང་མཛེས་ཏེ། རྒྱལ་པོའི་བུ་མོ་ཡིན་ལ། རྒྱལ་པོ་དེ་ལ་བུ་མོ་འདི་གཅིག་པུ་ལས་མེད་དེ། ཆུང་མ་འདི་ནི་བདག་ལ་ཆུ་གང་ཆེ་བས་ཁ་ཟས་བཙོ་བ་དང་བསྲེག་པའང་ལག་དར
283a4 ཏེ་བྱེད། བཟའ་བ་དང་། བཏུང་བ་ངན་ཀྱང་ངན་ཅེས་མི་འཁོད་དེ། རྟག་ཏུ་འགྲུབ་ཆེ་ལ། བྱད་བཞིན་ཡང་བཟང་ལ་མཛེས་པས། ཁྱོད་ཁྱེར་ན་བདག་དགའ་འོ་ཞེས་སྨྲས་སོ།། བྲམ་ཟེས། རྒྱལ་བུ་ལ
283a5 སྨྲས་པ། ངདག་ནི་བྲམ་ཟེ་མ་ཡིན་གྱི། བརྒྱ་བྱིན་ལྷའི་དབང་པོ་ཡིན་ཏེ། ཆེད་དུ་ཁྱོད་བགམ་པའི་ཕྱིར་འོངས་པ་ཡིན་ནོ་ཞེས་ཕྱིར་བརྒྱ་བྱིན་གྱི་ལུས་བཟང་པོར་བསྒྱུར་ནས། ཁྱེད་ཅིར་སྨོན་ཅེས
283a6 སྨྲས་སོ།། དེ་ནས་བཙུན་མོས་གུས་ཕྱག་འཚལ་ཏེ། སྨོན་ལམ་རྣམ་པ་གསུམ་ཞིག་གསོལ་ཏེ། གང་ཞེ་ན། གཅིག་ཏུ་བུ་ཁྲིད་པའི་བྲམ་ཟེ་ཕྱིར་ཡང་བདག་གི་ཡུལ་དུ་ཕྱིན་པར་གྱུར་ཅིག། གཉིས་སུ
283a7 ན་བདག་གི་བུ་གཉིས་བཀྲེས་པ་དང་སྐོམ་པས་སྡུག་བསྔལ་བར་མ་གྱུར་ཅིག། གསུམ་དུ་ན་རྒྱལ་བུ་དང་བདག་ཅག་གཉིས་ཀྱང་བདག་གི་ཡུལ་དུ་མྱུར་དུ་འཁོར་བར་གྱུར་ཅིག་ཅེས་སྨྲས་པ་དང་། བརྒྱ་བྱིན
iiif viewer powered by OpenSeadragon
