| e-texts navigator |
| Wylie |
282a1 ལྷག་པར་མྱོས་ཤིང་འཁྲུགས་པར་གྱུར་ཏོ།། རྒྱལ་བུས་སྨྲས་པ། ཡུལ་ཀེའུ་ལེའུ་ཞེས་བྱ་བ་ནས། བྲམ་ཟེ་ཞིག་འོངས་ཏེ། བདག་གི་བུ་གཉིས་བསྙུངས།
282a2 པ་ལས། བདག་གིས་བྱིན་ནོ།། བཙུན་མོས་རྒྱལ་བུས་སྨྲས་པ་ཐོས་མ་ཐག་ཏུ་རི་རྡིབ་པ་ལྟར་ས་ལ་འགྱེལ་ཏེ། འགྲེ་ཞིང་ཆོ་ངེས་བཏབ་བོ།། རྒྱལ་བུས་སྨྲས་པརེ་ཞིག་སྡོད་ཅིག། ཁྱོད་སྔོན།།
282a3 འདས་པའི་དུས་ན། སངས་རྒྱས་མར་མེ་མཛད་ཀྱི་ཚེ་དམ་ཇི་ལྟར་བཅས་པ་མི་དྲན་ནམ་དེའི་ཚེ་དེའི་དུས་ན། བདག་ནི་བྲམ་ཟེའི་བུ་གཞོན་ནུ་ཞེས་བྱཁྱོད་ནི་བྲམ་ཟེའི་བུ་མོ་སུ་ཏ་རི
282a4 ཞེས་བྱ་སྟེ། ཁྱོད་ནི་དེའི་ཚེ་མེ་ཏོག་པདྨོ་བདུན་ཞིག་ཐོགས་བདག་ལ་དངུལ་གྱི་དོང་ཙེ་ལྔ་ཞིག་ཡོད་དེ། ཁྱོད་ལས་པདྨོ་ལྔ་ཞིག་ཉོས་ནསསངས་རྒྱས་ལ་ཕུལ་བར་བྱས་པ་ལས་ཁྱོད
282a5 ཀྱིས་པདྨོ་ལྷག་མ་གཉིས་པོ་ཡང་ང་ལ་བྱིན་ཏེ། སངས་རྒྱས་ལ་འབུལ་གྱིས་སྨོན་ལམ་དུ་ཡང་བདག་སྐྱེ་བ་ཕ་རོལ་ཏུ་རྟག་པར་ཁྱོད་ཀྱི་ཆུང་མར་ཤོག་ཅིག་ཅེས་སྨོན་ལམ་བཏབ་པ་ལས
282a6 བདག་དེའི་ཚེ་ཁྱོད་དང་འདི་སྐད་ཅེས་དམ་མ་བཅས་སམ། ཁྱོད་བདག་གིར་ཆུང་མར་དགའ་ན་བདག་གི་ཡིད་དང་འགལ་བར་མ་བྱེད་ཅིག། བདག་སྦྱིན་པ་ཞིག་བྱེད། ཕ་མ་གཉིས་མ་གཏོགས།།
282a7 པར་གཞན་སྦྱིན་ཡང་། བདག་གི་ཡིད་བཞིན་དུ་སྦྱིན་པ་ལས་འགལ་བར་མ་བྱེད་ཅིག་ཅེས་དམ་བཅས་པ་ལས་དེའི་ཚེ་ཁྱོད་ན་རེ། དེ་བཞིན་དུ་བྱའོ་ཞེས་མ་ཟེར་རམ་ད་ཁྱོད་ཀྱི་བུ་གཉིས
iiif viewer powered by OpenSeadragon
